बाप्पा मोरया! धुलिवंदनला दगडूशेठ गणपतीची खास आरास, 2 हजार किलो द्राक्षांचं काय करणार?

सह्याद्री फार्माला 22 हजार शेतकरी जोडले गेले आहेत. भारतातील सर्वात मोठी द्राक्ष निर्यात करणारी कंपनी म्हणून म्हणून सह्याद्रीची ओळख आहे. द्राक्षाच्या नवीन पेटंटेड वाणांचे उत्पादन सह्याद्री फार्म्स करीत आहे. गेल्या काही वर्षांपासून दगडूशेठ गणपती मंदिरात द्राक्षाच्या हंगामात खास आरास केली जाते. यंदा देखील याच कंपनीने दगडूशेठ गणपतीला 2 हजार किलो द्राक्षे दिली आहेत. आता आरास केलेली ही द्राक्षे नंतर भाविक, अनाथाश्रम, पिताश्री वृद्धाश्रम, ससून रुग्णालयात प्रसाद म्हणून दिली जाणार आहेत.

भारतीय आयुर्वेदात द्राक्षांचे आरोग्याच्या दृष्टीने महत्त्व मोठे आहे. द्राक्षे हृदयविकाराचा धोका कमी करतात. त्याच्या सेवनाने मेंदूवर वयाचा कमी परिणाम होतो. द्राक्षांमध्ये असलेल्या फायबरमुळे आतड्याची हालचाल सुलभ होते. द्राक्षे खाल्याने शरीरातील रक्ताची कमतरता दूर होते आणि हिमोग्लोबिन पातळी वाढते. हिरवी द्राक्षे हिमोग्लोबिन वाढवतात. त्यामुळे द्राक्षांचे सेवन करणे हे आरोग्यदृष्टया उपयुक्त असल्याने अनाथाश्रम, वृद्धाश्रम व ससून रुग्णालयात द्राक्षांचे प्रसादरुपी वाटप करण्यात येणार आहे, असे ट्रस्टचे अध्यक्ष सुनील रासने यांनी सांगितले.