गृहप्रवेश करण्याआधी लक्षात ठेवा या गोष्टी, अन्यथा पैसे खर्चूनही होईल नुकसान

देवघर - आपले एक सुंदर, प्रशस्त असे घर असावे, असे सर्वांचे स्वप्न असते. त्यामुळे आपल्या आयुष्याची सर्व कमाई व्यक्ती आपल्या घरासाठी खर्च करतो. मात्र, घर तयार झाल्यावर गृहप्रवेश करताना व्यक्ती लहान लहान गोष्टींची काळजी घेत नाही. इतर मंगलकार्य करण्यासाठी शुभ तिथी आणि शुभ मुहूर्त पाहिला जातो. त्यामुळे चांगले फळ मिळते. पण अनेकजण केव्हाही गृहप्रवेश करत असल्याने ते अशुभ असते. यामुळे घरात वास्तू दोषही लागू शकतो. तसेच जर तुम्हीही येणाऱ्या काळात गृहप्रवेश करत असाल तर तुम्हाला काही गोष्टींची काळजी घेणे महत्त्वाचे आहे. अशावेळी नेमकं कोणत्या गोष्टींची काळजी घ्यावी, हे जाणून घेऊयात.

देवघरचे ज्योतिषाचार्य पंडित नंदकिशोर मुद्गल यांनी याबाबत माहिती दिली. लोकल18 शी बोलताना त्यांनी सांगितले की, मंगलकार्यांची सुरुवात कार्तिकी एकादशीपासून झाली आहे. सर्वप्रकारच्या मंगलकार्यात गृहप्रवेशसुद्धा एक महत्त्वाचे मंगलकार्य आहे. सनातन धर्मानुसार कोणतेही मंगलकार्य हे शुभ तिथी आणि मुहूर्तावरच संपन्न करावे. तेव्हाच चांगले फळ मिळते.