Vastu Tips Water: वास्तुनुसार घरातील पाण्याची टाकी या दिशेला असावी; कुटुंबात राहते सुख-शांती

मुंबई, 08 फेब्रुवारी : घराची रचना वास्तुशास्त्रानुसार करण्याचा लोकांचा कल वाढला आहे. असं न केल्यास घरामध्ये वास्तुदोष होऊ लागतात आणि घरात नकारात्मक ऊर्जा वाढते, असे मानले जाते. ज्योतिषशास्त्र, बृहतसंहिता या ग्रंथात जल, अग्नी, वायु, आकाश आणि पृथ्वी या घटकांसाठी वेगवेगळ्या दिशा सांगितल्या आहेत. वास्तुशास्त्रानुसार उत्तर दिशा ही जल तत्वासाठी आहे. घरातील पाण्याची जागा, टाकी किंवा पिण्याचे पाणी या दिशेला ठेवल्यास घरात कोणतीही समस्या येत नाही. विरुद्ध दिशेला पाणी ठेवल्यास घरामध्ये धनहानी आणि रोग होतात. यासोबतच कुटुंबीयांच्या समस्याही वाढू लागतात, असे मानले जाते.