Mangalsutra: मंगळसूत्रात काळे मणी का असतात? त्याशिवाय मंगळसूत्र अपूर्ण; जाणून घ्या नेमकं कारण

मुंबई, 04 फेब्रुवारी : हिंदू धर्मात लग्नाच्या विधींमध्ये सप्तपदी, कन्यादान यांच्याप्रमाणेच मंगळसूत्रालाही खूप महत्त्व असतं. विशेष म्हणजे स्त्रियांसाठी हा केवळ सोन्याचा दागिना नसतो, तर त्यापेक्षाही जास्त महत्त्व त्याला असतं. सामान्यपणे मंगळसूत्रांमध्ये सोन्याचे मणी, काळे मणी आणि दोन सोन्याच्या वाट्या असाव्या लागतात. आपापल्या ऐपतीप्रमाणे त्याचं डिझाईन, नक्षीकाम व इतर गोष्टींमध्ये बदल होतो. एकवेळ सोन्याचे मणी नाही करता आले तरी चालू शकतात, पण मंगळसूत्रामध्ये काळे मणी असावेच लागतात. त्यामागचं कारण कधी जाणून घेतलंय का?