लग्नात हिरवा चुडा का भरला जातो? तुम्हाला माहितीय का यामागाचं शास्त्रीय कारण

हिरवा रंग हे ताजेपणा, टवटवीतपणा, निसर्ग, सकारात्मकता यांचं प्रतीक आहे. निसर्गात हिरव्या रंगाच्या अनेक छटा एकाच वेळी आपल्याला पाहायला मिळतात. म्हणूनच निसर्गाच्या सान्निध्यात मन नेहमी प्रफुल्लित होतं. हीच प्रसन्नता लग्नसंस्कारात अनुभवता यावी, स्त्रियांच्या आयुष्यात व पर्यायानं त्यांच्या संसारात रुजावी अशा उद्देशानं लग्नात हिरवा चुडा घातला जातो. भारतात विविध ठिकाणी लग्नाच्या पद्धती व परंपरा वेगवेगळ्या आहेत. काही ठिकाणी वधू लाल रंगाचा चुडाही घालते; मात्र महाराष्ट्रात व इतर काही ठिकाणी वधू, तसंच तिच्या इतर नातेवाईक स्त्रिया हिरव्या रंगाच्या बांगड्या घालतात.

स्त्रियांनी बांगड्या घालणं हे शुभ समजलं जातं. हिंदू धर्मानुसार बांगड्या नवरीचं वाईट नजरेपासून संरक्षण करतात. त्यामुळे अगदी लहान वयापासून मुलींना बांगड्या घालण्याची हिंदू धर्मात प्रथा आहे. आता तो फॅशनचाही एक भाग आहे. लग्नामध्ये मात्र विशेषकरून हिरव्या रंगाच्या बांगड्या घालतात. जसा लाल रंग सौभाग्याचं प्रतीक समजला जातो, तसाच हिरवा रंगही सौभाग्याचं प्रतीक समजला जातो. त्यामुळे लग्नात हिरव्या रंगाला महत्त्व आहे.