Aajache Rashibhavishya: बाप्पा गेले! रविवारी ‘त्या’ चुका भोवणार, कुणाचं नशीब पालटणार? पाहा आजचं राशीभविष्य

मेश राशी -आज तुम्ही सहजपणे भांडवल उभे कराल. अचानक पैसा मिळण्याचे संकेत आहेत. राहिलेली कामे मार्गी लागतील. तसेच तुम्हाला कुटुंबातील सदस्य आणि मित्रमंडळींसमवेत आज भरपूर वेळ घालवता येईल. त्याचबरोबर विद्यार्थ्यांच्या डोक्यात आज प्रेमाचा ताप चढू शकतो आणि यामुळे त्यांचा बराच वेळ वाया जाऊ शकतो. आज तुमचा तुमचा भाग्यांक हा 2 असणार आहे. तसेच शुभ रंग चंदेरी आणि पांढरा असा असणार. तर आजचा एकंदरीत दिवस हा आनंद देणारा असणार आहे.

वृषभ राशी -आजच्या दिवशी तुम्ही आराम करू शकाल. आज तुम्हाला आपल्या संतानमुळे आर्थिक लाभ होण्याची शक्यता दिसत आहे, यामुळे तुम्हाला बराच आनंद होईल. जोडीदाराबरोबर योग्य तो ताळमेळ साधल्यास तुमच्या घरी सुख-समृद्धी व शांतता नांदेल. आजचा दिवस तणावाने मुक्त राहण्याचा प्रयत्न करा, आणि आराम करण्याचा प्रयत्न करा. आज तुमचा शुभ अंक 9 आणि रंग लाल असणार आहे.

मिथुन राशी -गरज नसलेल्या अशक्य गोष्टींवर विचार करण्यात तुमची शक्ती खर्च करू नका. आपल्या रागीट स्वभावाच्या कारणाने तुम्ही पैसा कमावण्यात सक्षम होणार नाही. सामाजिक अडथळे ओलांडणे शक्य होणार नाही. हातात घेतलेली कामे आज वेळेवर पूर्ण करा. आज तुमचा शुभ अंक 2 आणि रंग पांढरा असणार आहे.

कर्क राशी - नैराश्याच्या जाणीवेला तुमच्यावर हावी होऊन देऊ नका. या राशीतील जे लोक परदेशात व्यापार करतात त्यांना आज चांगला धन लाभ होऊ शकतो. तुमच्या घरातील वातावरणात तुम्ही उपयुक्त बदल कराल. तुम्हाला आनंदी करण्यासाठी तुमचा/तुमची जोडीदार प्रयत्नांची पराकाष्ठा करेल. आज तुमचा शुभ अंक 5 आणि रंग हिरवा असणार आहे.

सिंह राशी - अतिशय प्रभावी व्यक्तींच्या पाठिंब्यामुळे तुमचे मनोधैर्य उंचावेल. कामाच्या ठिकाणी कोणाचे मन दुखेल असे कोणाला बोलू नये. याने तुम्ही संकटात येऊ शकता. आपल्या प्रिय व्यक्तीपासून दूर राहणे खूप कठीण असेल. गेल्या बऱ्याच काळापासून कामाच्या ताणामुळे तुमच्या वैवाहिक आयुष्यावर परिणाम होत होता. पण आज या सगळ्या तक्रारी दूर होतील. आज तुमचा शुभ अंक 4 आणि रंग राखाडी असणार आहे.

कन्या राशी - घरातील गरजांना पाहून आज तुम्ही आपल्या जीवनसाथी सोबत काही किमती वस्तू खरेदी करू शकता. ज्यामुळे आर्थिक परिस्थिती थोडी बेताची होऊ शकते. आज खूप सुंदर दिवस आहे. आजच्या दिवशी तुम्हाला खरंच लाभ व्हावा असे वाटत असेल तर इतरांनी दिलेला सल्ला ऐका. आज तुमचा शुभ अंक 2 आणि रंग पांढरा असणार आहे.

तूळ राशी - आपल्या आधारावर अनेक गोष्टी अवलंबून असतील आणि आपल्या मनाची स्पष्टता निर्णय घेण्यासाठी महत्त्वाची असेल. तुम्ही जीवनात पैशाची किंमत समजत नाही परंतु, आज तुम्हाला पैशाची किंमत समजू शकते कारण, आज तुम्हाला पैशाची अत्यंत आवश्यकता असेल परंतु तुमच्याकडे पर्याप्त धन नसेल. आजच्या दिवसाची संध्याकाळ ही तुमच्या जोडीदारासमवेत व्यतीत केलेली सर्वोत्तम संध्याकाळ असेल. आज तुमचा शुभ अंक 4 आणि रंग करडा असणार आहे.

वृश्चिक राशी - खूपच चिंता केल्याने तुमची मानसिक शांतात भंग पावेल. कारण चिंता केल्यामुळे प्रकृती बिघडते. तसे तर आपला पैसा दुसऱ्यांना देणे कुणाला आवडत नाही परंतु, आज तुम्ही कुणी गरजूला पैसा देऊन आनंदाचा अनुभव कराल. आज तुम्ही आपल्यासाठी वेळ काढून आपल्या जीवनसाथी सोबत कुठे फिरायला जाऊ शकता. आज तुमचा शुभ अंक 6 आणि रंग गुलाबी असणार आहे.

धनु राशी- तुमच्या विचारांवर ज्यांचा असाधारण प्रभाव आहे अशा विशेष व्यक्तीची ओळख मित्रामुळे होऊ शकते. धनाचे आगमन आज तुम्हाला बऱ्याच आर्थिक परिस्थितीतून दूर करू शकते. आज केलेली गुंतवणूक लाभदायक असेल, पण आपल्या भागीदाराकडून काहीसा विरोध होण्याची शक्यता आहे. या राशीतील लोकांना आज स्वतःला समजण्याची आवश्यकता आहे. आज तुमचा शुभ अंक 3 असणार आहे तर रंग पिवळा आहे.

मकर राशी - तुमच्या प्रकृतीची काळजी घ्या. तुम्ही मागील काळात खूप पैसा खर्च केला आहे ज्याचा परिणाम तुम्हाला आज भोगावा लागू शकतो. आज तुम्हाला पैशाची आवश्यकता असेल परंतु, तुम्हाला ते मिळणार नाही. आपल्या कुटुंबियांच्या भावना दुखावल्या जाणार नाहीत हे लक्षात ठेऊन आपल्या रागावर नियंत्रण ठेवा. लग्न ठरलेल्या व्यक्तींना त्यांचा जोडीदार हा मोठ्या आनंदाचा स्रोत आहे याचा अनुभव मिळेल. आज तुमचा शुभ अंक 3 आणि रंग पिवळा असणार आहे.

कुंभ - दिवसाच्या उत्तरार्धात आर्थिक स्थिती सुधारेल. तुमच्या दुराग्रही स्वभावामुळे तुमच्या पालकांची शांती तुम्ही भंग कराल. गरजेच्या कामाला वेळ न देणे आणि व्यर्थ कामात वेळ घालवणे आज तुमच्यासाठी घातक सिद्ध होऊ शकते. लग्नामुळे तुमच्या आयुष्यात जे काही आनंदाचे क्षण आले आहेत, त्यामुळे आज तुम्ही भावूक व्हाल. अचानक धनलाभ होण्याची शक्यता आहे. तुमचा शुभ अंक 1 आणि रंग नारंगी असणार आहे.

मीन राशी -राग अनावर झाल्याने बाचाबाची आणि संघर्ष होऊ शकतो. आपल्या कुटुंबियांच्या भावना दुखावल्या जाणार नाहीत हे लक्षात ठेऊन आपल्या रागावर नियंत्रण ठेवा. तुमचे वैवाहिक आयुष्य आज आनंद घेऊन येईल. मनातील गोष्टी तोंडावर आणणे गरजेचे आहे यामुळे प्रेम अधिक वाढते. आज तुमच्या हातून काही चांगल्या गोष्टी खरेदी केल्यास लाभ नक्की होईल. आज तुमचा शुभ अंक 5 आणि रंग हिरवा असणार आहे.

टीप - आजचे राशीभविष्य तुमच्या नावाच्या पहिल्या अक्षरावरून येणाऱ्या राशीवर आधारित आहे. हे सर्वसामान्य राशीभविष्य आहे. अचूक आणि वैयक्तिक राशीभविष्यासाठी जवळच्या ज्योतिषांचा सल्ला घ्या.