संत ज्ञानेश्वरांनी आळंदीतील सिद्धेश्वर मंदिरातच का घेतली समाधी? पाहा काय आहे कारण?

भगवान शंकर हे नाथ संप्रदायचे प्रमुख देवता मानले जातात. ज्ञानेश्वर महाराजांनी नाथ संप्रदायचे तत्वज्ञान जेव्हा अंगीकारलं आणि त्यातून वारकरी संप्रदायला एक वेगळं तत्वज्ञान दिलं. ते म्हणजे कृष्ण आणि शिव म्हणजेच हरिहराची भक्ती दिली. संत ज्ञानेश्वर महाराजांनी वयाच्या एका विशिष्ट वर्षापर्यंत तुम्हाला आम्हा सर्व दिलं आणि नंतर त्यांचे गुरु संत निवृत्तीनाथ यांचे आज्ञेने आणि पांडुरंगाच्या कृपेनें समाधीचा निर्णय घेतला, असं योगी निरंजन महाराज सांगतात.

ज्ञानेश्वरांनी समाधीसाठी जागा निवडतांना आपल्या आराध्य दैवत असलेल्या मंदिराची निवड केली. शिवतत्व असलेल्या तसेच आराध्य दैवत असलेल्या सिद्धेश्वर मंदिरात त्यांनी समाधी घेतली. विष्णुरूपी ज्ञानेश्वरांना भगवान सिद्धेश्वरांनी समाधीसाठी हेच स्थान निवडावं असं सांगितलं असावं. त्यामुळे संत ज्ञानेश्वर महाराजांनी या ठिकाणी समाधी घेतली, असं योगी निरंजन महाराज सांगतात.