Ram Mandir: अयोध्येत बालरुपातील श्रीरामाच्या मूर्तीची प्रतिष्ठापना का होणार? हे आहे कारण

नवी दिल्ली, 17 जानेवारी : 22 जानेवारीला अयोध्येतील राम मंदिरात प्रभू श्रीरामाच्या मूर्तीचा प्राणप्रतिष्ठा सोहळा होणार आहे. या वेळी मंदिराच्या गर्भगृहात पाच वर्षांच्या रामलल्लाचा 51 इंचाचा पुतळा स्थापित केला जाणार आहे. या मूर्तीचा रंग सावळा असेल. यात पाच वर्षांचा बालकाच्या स्वरुपातील श्रीराम कमळावर विराजमान होईल. कमळाच्या फुलासह मूर्तीची उंची आठ फूट असेल. आता पाच वर्षांच्या बालश्रीरामाची मूर्ती का स्थापन केली जात आहे, त्याचं वयोमान जास्त किंवा कमी का नाही, मूर्तीची उंची 51 इंचच का ठेवली गेली आहे, असे प्रश्न साहजिकच तुमच्या मनात आले असतील. 74 वर्षांपूर्वी बाबरी मशिदीच्या भग्न वास्तूत रामलल्लाची स्थापन केलेली धातुची मूर्ती कशी आणि किती मोठी होती, ती तिथं कशी आली हे आम्ही तुम्हाला सांगूच; पण सध्याची मूर्ती कशी घडवली गेली आहे हेसुद्धा सांगणार आहोत.