Ashwin : अश्विन आता पाकिस्तानी प्लेअरसोबत खेळणार, क्रिकेट विश्वातून आली मोठी बातमी!

मुंबई : आर. अश्विन हा ऑस्ट्रेलियाच्या बिग बॅश लीगमध्ये (बीबीएल) सिडनी थंडर्सकडून खेळणार आहे. बीबीएलमध्ये खेळणारा अश्विन भारताचा पहिलाच आंतरराष्ट्रीय पुरुष खेळाडू आहे. याआधी महिला बीबीएलमध्ये अनेक भारतीय महिला खेळाडू खेळल्या आहेत, पण बीसीसीआयच्या नियमांमुळे भारतीय पुरुष खेळाडूंना बीबीएलमध्ये सहभागी होण्यासाठी बंदी होती. याआधी भारताच्या अंडर-19 टीमचा कर्णधार उन्मुक्त चंद आणि भारताचा स्थानिक खेळाडू निखील चौधरी बीबीएलमध्ये खेळले होते, पण चंद हा अमेरिकेचा नागरिक आहे, तर निखील हा ऑस्ट्रेलियामध्ये स्थानिक खेळाडू म्हणून पात्र झाला आहे.