Asia Cup : टीम इंडियाचा ट्रिपल धमाका, पण नवख्या ओमानने भारतीय बॉलरना दमवलं, पाकिस्तानलाही लाजवलं!

अबू धाबी : आशिया कपमध्ये टीम इंडियाने लागोपाठ तिसरा विजय मिळवला आहे. ग्रुप स्टेजच्या शेवटच्या सामन्यात भारताने ओमानचा 21 रननी पराभव केला आहे. भारताने दिलेल्या 189 रनचा पाठलाग करताना ओमानने 20 ओव्हरमध्ये 4 विकेट गमावून 167 रन केल्या, पण या सामन्यात ओमानने भारतीय बॉलरना चांगलंच दमवलं. ओपनर आमिर कलीमने 46 बॉलमध्ये 64 तर हमाद मिर्झाने 33 बॉलमध्ये 51 रनची खेळी केली. ओमानचे ओपनर जतिंदर सिंग आणि आमिर कलीम यांच्यात पहिल्या विकेटसाठी 56 रनची पार्टनरशीप झाली. आयसीसीच्या पूर्ण सदस्य देशाविरोधात ओमानने पहिल्यांदाच पॉवर प्ले मध्ये एकही विकेट गमावली नाही. भारताकडून हार्दिक पांड्या, अर्शदीप सिंग, कुलदीप यादव आणि हर्षीत राणा यांना प्रत्येकी 1-1 विकेट मिळाली.