Asian Games : शेवटच्या दोन मिनिटात वाद, अर्धा तास खेळ थांबला; अखेर भारताने जिंकलं सुवर्ण

हाँगझोऊ, 07 ऑक्टोबर : भारतीय पुरुषांच्या कबड्डी संघाने एशियन गेम्स २०२३ मध्ये सुवर्णपदक पटकावलं. अंतिम सामन्यात भारताने इराणला ३३-२९ अशा फरकाने हरवलं. याआधी महिला कबड्डी संघाने तैवानला हरवून सुवर्णपदक मिळवलं होतं. भारतीय संघाचं हे १०३ वे पदक आहे. शनिवारी भारताने ८ पदके पटकावली असून यात ६ सुवर्ण, एक रौप्य आणि एक कांस्य पदकाचा समावेश आहे. दोन सुवर्णपदकं कबड्डीत तर ४ इतर पदके तिरंदाजीत मिळाली आहेत. बॅडमिंटन आणि क्रिकेटमध्येही एक-एक सुवर्णपदक खात्यात जमा झाले आहे. आतापर्यंत २८ सुवर्ण, ३५ रौप्य आणि ४० कांस्य पदके मिळाली आहेत.