Asian Games : भालाफेकीत भारताचा डबल धमाका; नीरजला सुवर्ण तर किशोरला रौप्य

हाँगझोऊ, 04 ऑक्टोबर : भारताचा स्टार भालाफेकपटू गोल्डन बॉय नीरज चोप्राने चीनच्या हांगझोऊमध्ये सुरू असलेल्या एशियन गेम्समध्ये इतिहास घडवला आहे. यंदाच्या हंगामात सर्वोत्तम कामगिरी नोंदवत नीरजने एशियन गेम्समध्ये सलग दुसऱ्यांदा सुवर्णपदक पटाकवलं. बुधवारी भारताला त्याने १७वं सुवर्ण पदक जिंकून दिलं. नीरजसोबत भारताच्याच किशोर जेनाने रौप्य पदकावर नाव कोरलं. ऑलिम्पिक चॅम्पियन नीरज चोप्राने अपेक्षेप्रमाणेच एशियन गेम्समध्ये दमदार कामगिरी केली.