बांगलादेशने पायावर धोंडा मारला... वर्ल्ड कपनंतर आता क्रिकेटमधूनच बाहेर व्हायची वेळ!

मुंबई : बांगलादेश क्रिकेटमध्ये सध्या मोठा वाद निर्माण झाला आहे. बोर्डाच्या कामात हस्तक्षेप केले तर त्याचे परिणाम आंतरराष्ट्रीय स्तरावर होतील, असा इशारा बांगलादेश क्रिकेट बोर्डाने त्यांच्याच सरकारला दिला आहे. बांगलादेशच्या क्रीडा मंत्रालयाने मागच्या वर्षी झालेल्या बांगलादेश क्रिकेट बोर्डाच्या निवडणुकीत कथित घोटाळ्याची चौकशी करण्यासाठी 5 सदस्यीय समिती बनवली आहे. या समितीला त्यांचा रिपोर्ट द्यायचे आदेश सरकारने दिले आहेत. ही समिती अनियमितता, हेराफेरी आणि सत्तेचा दुरुपयोग अशा आरोपांची चौकशी करणार आहे.