शेतकरी कन्येचा सुवर्णवेध, आई-वडिलांच्या पाठिंब्यानं गीता दुसऱ्यांदा चॅम्पियन, Video

गीताचे आई-वडील दोघेही शेतकरी आहेत. तिची आवड जोपासण्यासाठी त्यांनी तिला प्रोत्साहन दिलं. आज गीता ही सलग दुसऱ्यांदा चॅम्पियन बनलेली आहे. गीताने 10 मी. एअर पिस्टल व 25 मी. स्पोर्ट्स पिस्टल या दोन्ही प्रकारात सुवर्णपदक व कास्य पदक आपल्या नावे केलं. गीताला दुखापत झाल्यामुळे ती सराव करू शकत नव्हती. पण खचून न जाता व्यवस्थित ट्रीटमेंट घेऊन परत एकदा जिद्दीने जोमाने तिने प्रॅक्टिस करायला सुरुवात केली आणि आज ती चॅम्पियन बनलेली आहे. ती एम.जी.एम शूटिंग अकॅडमी छत्रपती संभाजीनगर येथे प्रशिक्षण घेते.

माझे आई-वडील दोघेही शेतकरी आहेत. त्यांनी मला प्रोत्साहन दिलं. त्यांच्या मार्गदर्शनामुळे आणि मेहनतीमुळे मी इथपर्यंत पोहोचले आहे. याचा मला खूप जास्त अभिमान आहे. आपली इच्छा आणि मेहनत घेण्याची तयारी असेल तर आपल्या मनातील कोणतीही गोष्ट आपण साध्य करू शकतो. मी माझ्या आई वडील व गुरूंचे मनापासून आभार मानते, असं गीता म्हस्के सांगते.