MS Dhoni ने धोक्याने बळकावली CSK ची कॅप्टन्सी? फॅक्चर झालेला ऋतुराज चक्क फुटबॉल खेळताना दिसला, Video व्हायरल

गुवाहाटीमध्ये राजस्थान रॉयल्सविरुद्धच्या मॅचमध्ये ऋतुराजला दुखापत झाली. त्याच्यावर खूप वेदना होत आहेत. आम्हाला एक्स-रे मिळाला, मात्र, त्यावरून काही कळालं नाही. मग त्याचा एमआरआय झाला, ज्यामध्ये त्याच्या कोपरात आणि रेडियल नेकमध्ये फ्रॅक्चर असल्याचे दिसून आलं, असं सीएसकेचे मुख्य प्रशिक्षक स्टीफन फ्लेमिंग यांनी म्हटलं होतं. मात्र, समोर आलेल्या व्हिडीओमध्ये ऋतुराज (Ruturaj Gaikwad Playing Football) धडधाकट असून फुटबॉल खेळताना दिसतोय.

ऋतुराज गायकवाड आधीच स्पर्धेतून बाहेर पडला पडला असला तरी, त्याचा फुटबॉल खेळतानाचा एक व्हिडिओ सोशल मीडियावर व्हायरल झाला आहे. हा व्हिडीओ नक्की कधीचा आहे, याची अधिकृत माहिती नाही. पण सोशल मीडियावर हा व्हिडीओ शेअर केला जातोय. यामध्ये ऋतुराज व्यवस्थित असल्याचा दावा केला जात आहे. तसेच ऋतुराज गायकवाडला काहीही झालं नसताना कॅप्टन्सी का काढली गेली? असा सवाल विचारला जात आहे.

दरम्यान, सोशल मीडियावर व्हिडीओ सध्या तुफान व्हायरल होत असून धोनीने मुद्दामहून कॅप्टन्सी काढून घेतली का? की धोक्याने CSK ची कॅप्टन्सी बळकावली? असा प्रश्न नेटकरी विचारत जात आहे. जडेजासोबत जे झालं, तेच ऋतुराजसोबत होतंय, अशी टीका देखील होताना दिसत आहे.

ऋतुराज गायकवाड हातच्या फ्रॅक्चरमुळे उरलेली आयपीएल खेळू शकणार नसला, तरी सोशल मीडियावर चाहते त्याच्या दुखापतीच्या टायमिंगवर संशय व्यक्त करत आहेत. राजस्थान रॉयल्सविरुद्धच्या सामन्यात ऋतुराज गायकवाडच्या कोपराला बॉल लागला, यानंतर ऋतुराज सीएसकेसाठी 2 मॅच खेळला. या दोन्ही सामन्यामध्ये सीएसकेचं नेतृत्व करत असतानाच ऋतुराजने बॅटिंग आणि फिल्डिंगही केली, मग ऋतुराजचं कोपर अचानक आता फ्रॅक्चर कसं झालं? असा सवाल चाहत्यांकडून विचारला जात आहे.