Trending:

IND vs PAK सामन्यापूर्वी पाकिस्तानवर 'डबल अटॅक', 24 तासात ICC घेतला मोठा निर्णय!

Published by:Saurabh Talekar

Last Updated:September 21, 2025 7:19 AM IST

India vs Pakistan, Asia Cup : भारत आणि पाकिस्तान यांच्यात झालेल्या मॅचनंतर निर्माण झालेल्या वादामुळे चर्चेत आलेले पंच ऍन्डी पायक्रॉफ्ट हे पुन्हा एकदा याच दोन संघांच्या मॅचसाठी रेफरी म्हणून काम पाहणार आहेत.

इम्पॅक्ट शॉटतुमचा गेटवे लेटेस्ट न्यूज

ICC Double Attack On Pakistan Andy Pycroft

ICC Double Attack On Pakistan : आशिया कपमध्ये सुपर 4 चे सामने सुरू झाल्यानंतर आता सात दिवसानंतर भारत आणि पाकिस्तानवर (India vs Pakistan Asia Cup super 4) पुन्हा आमने सामने येणार आहेत. मागील रविवारी दोन्ही कट्टर प्रतिस्पर्धी संघात सामना झाला होता. या सामन्यात टीम इंडियाने पाकिस्तानला पायदळी तुडवलं अन् आरामात सामना जिंकला होता. त्यानंतर पाकिस्तानची कानठाळी बसली आणि पाकिस्तानने रेफरी ऍन्डी पायक्रॉफ्ट (Andy Pycroft) यांचा उदोउदो सुरू केला होता. अशातच आता पाकिस्तानला आयसीसीने दुहेरी धक्का दिला आहे.

IND vs PAK मॅचला ऍन्डी पायक्रॉफ्ट रेफरी

भारत आणि पाकिस्तान यांच्यात झालेल्या मॅचनंतर निर्माण झालेल्या वादामुळे चर्चेत आलेले पंच ऍन्डी पायक्रॉफ्ट हे पुन्हा एकदा याच दोन संघांच्या मॅचसाठी रेफरी म्हणून काम पाहणार आहेत. वादाच्या पार्श्वभूमीवर, आयसीसीने (ICC) पाकिस्तानची ऍन्डी पायक्रॉफ्ट यांना हटवण्याची मागणी फेटाळली होती. त्यानंतर पाकिस्तानच्या आगामी दोन्ही सामन्यात ऍन्डी पायक्रॉफ्ट हेच रेफरी असतील. भारत आणि पाकिस्तानच्या मॅचमध्ये देखील ऍन्डी पायक्रॉफ्ट यांना संधी दिली गेली आहे.

जय शहा यांची चर्चा

पाकिस्तान क्रिकेट बोर्डाने (PCB) आरोप केला होता की, पायक्रॉफ्ट यांनी भारत-पाकिस्तान मॅचमध्ये खेळाडूंना हँडशेक करण्यास मनाई केली होती. मात्र, आयसीसीने पाकिस्तानचा हा आरोप फेटाळून लावला आहे. पायक्रॉफ्ट हे पाकिस्तान आणि बांगलादेश मॅचमध्ये देखील रेफरीची भूमिका बजावणार आहेत. त्यामुळे सध्या सर्वत्र जय शहा यांची चर्चा होताना दिसत आहे.

आयसीसीचं पाकिस्तानला उत्तर

दरम्यान, हँडशेक वादामध्ये मॅच रेफरी ऍन्डी पायक्रॉफ्ट यांची भूमिका नाही, त्यामुळे एका सदस्याच्या मागणीवरून मॅच रेफरीची उचलबांगडी करणं योग्य नाही, तसंच हे चुकीचं उदाहरण ठरेल, असं आयसीसीने म्हटलं होतं. दुसरीकडे पीसीबीने आयसीसीला लिहिलेल्या पत्रात भारतीय खेळाडूंवरही नाराजी व्यक्त केली आहे, पण एमसीसीच्या नियमांनुसार मॅचआधी किंवा मॅचनंतर खेळाडूंनी हस्तांदोलन करणं हा नियम नाही, त्यामुळे पाकिस्तानची मागणी फेटाळून लावल्याची देखील माहिती समोर आली होती.

Location :

Mumbai,Maharashtra

First Published :

September 21, 2025 7:11 AM IST

IND vs PAK सामन्यापूर्वी पाकिस्तानवर 'डबल अटॅक', 24 तासात ICC घेतला मोठा निर्णय!