ICCचा लंकेला डबल दणका! आधी बोर्ड निलंबित, आता वर्ल्ड कपबाबत मोठा निर्णय

अहमदाबाद, 21 नोव्हेंबर : श्रीलंका क्रिकेट बोर्डावर निलंबनाची कारवाई केल्यानंतर आयसीसीने आता मोठा निर्णय घेतला आहे. आयसीसीने वर्ल्ड कपचे यजमानपद श्रीलंकेकडून काढून घेतलं आहे. २०२३ चा वर्ल्ड कप नुकताच संपला. त्यानंतर आयसीसीच्या बोर्डाची बैठक अहमदाबादमध्ये सुरू आहे. या बैठकीमध्ये श्रीलंकेबाबत निर्णय घेतला गेला. २०२४च्या सुरुवातीला अंडर १९ वर्ल्ड कप श्रीलंकेत होणार होता. मात्र आता त्याऐवजी दक्षिण आफ्रिकेत खेळवला जाणार आहे. वर्ल्ड कपमध्ये खराब कामगिरीनंतर श्रीलंकेच्या क्रीडा मंत्रालयाने पूर्ण बोर्डावर निलंबनाची कारवाई केली होती. आयसीसीने बोर्डात सरकारचा हस्तक्षेप मानला होता आणि आयसीसीनेही बोर्ड निलंबित केलं. आता त्यानंतर यजमानपद काढून घेत श्रीलंकेला दुसरा धक्का दिला.