Rohit Sharma : 'मैं नही दे सकता...' Live सामन्यात रोहित श्रेयसवर भडकला, स्टंप माईकमधून जगाने ऐकलं, Video

रोहित शर्मा आणि श्रेयस अय्यर यांच्यात या पार्टनरशीपदरम्यान रन काढण्यावरून वादही पाहायला मिळाले. सुरूवातीला सावध बॅटिंग केल्यानंतर रोहितने एक-एक रन काढायला सुरूवात केली, पण श्रेयस अय्यरसोबत रन काढताना रोहितला अडचणीचा सामना करावा लागत होता, यानंतर रोहित आणि श्रेयस यांच्यात संभाषण झालं, जे स्टंप माईकमध्ये रेकॉर्ड झालं आहे.

रोहित : श्रेयस, ही एक रन होती

अय्यर : 'अरे आप करके देखो, मेरे को मत बोलना फिर'

रोहित : अरे तेरे को कॉल देना पडेगा. वो सातवा ओव्हर डाल रहा है यार.

अय्यर : मुझे उसका एँगल पता नही है, कॉल दो ना

रोहित : मैं नही दे सकता, ये कॉल

अय्यर : सामने है आपके

यानंतर रोहितने त्याची मान हलवली.

या सामन्यात शुभमन गिलसोबतच्या पार्टनरशीपवेळी रोहित शर्मा रन आऊट होताना वाचला. बेल्स उडवण्याच्या आत रोहित सुदैवाने क्रीजमध्ये पोहोचला होता. आधी जीवनदान मिळाल्यानंतर रोहितला कोणताही धोका पत्करायचा नव्हता, त्यामुळे त्याने श्रेयस अय्यरला रन काढण्याबाबत आधीच सावध केलं.

रोहित शर्माने 73 रनची तर श्रेयस अय्यरने 61 रनची खेळी केली. याशिवाय अक्सर पटेलने 44 आणि हर्षित राणाने नाबाद 24 रन केल्यामुळे भारताला 264 रनपर्यंत मजल मारता आली, पण शेवटी टीम इंडियाला हा स्कोअरही कमी पडला आणि ऑस्ट्रेलियाने हा सामना जिंकला. खराब फिल्डिंगचा फटकाही टीम इंडियाला या सामन्यात बसला. भारतीय फिल्डर्सनी इनिंगमध्ये 3 कॅच सोडले, यातले 2 कॅच एकट्या मॅथ्यू शॉर्टचे होते. या दोन लाईफलाईनचा शॉर्टने फायदा उचलला आणि 74 रनची खेळी केली, ज्यामुळे ऑस्ट्रेलियाला विजय मिळवता आला.