IND vs AUS : पर्थनंतर ऍडलेडमध्ये वस्त्रहरण, टीम इंडियाच्या पराभवाचे 5 व्हिलन! सीरिजही गमावली

ऍडलेड : ऑस्ट्रेलियाविरुद्धच्या दुसऱ्या वनडेमध्ये टीम इंडियाचा पराभव झाला आहे, याचसोबत भारताने 3 वनडे मॅचची ही सीरिजही गमावली आहे. भारताने दिलेल्या 265 रनच्या आव्हानाचा पाठलाग ऑस्ट्रेलियाने अगदी सहज केला, ज्यात भारताची खराब फिल्डिंगही ऑस्ट्रेलियाच्या कामाला आली. या सामन्यात टीम इंडियाने तब्बल 3 कॅच सोडले. मॅथ्यू शॉर्टला दोन जीवनदान मिळाली, ज्यानंतर त्याने 74 रनची खेळी केली. तर कुपर कॉनलीनेही अर्धशतक केलं. सातव्या क्रमांकावर बॅटिंगला आलेल्या मिचेल ओवेनने 36 रनची खेळी केली. भारताकडून हर्षित राणा आणि वॉशिंग्टन सुंदरला 2-2 तर अर्शदीप सिंग, अक्षर पटेल, मोहम्मद सिराजला 1-1 विकेट मिळाली. भारताने सीरिज आधीच गमावलेली असल्यामुळे आता सिडनीचा सामना प्रतिष्ठेचा झाला आहे. शनिवारी सिडनीमध्ये होणारी तिसरी वनडे गमावली तर भारतीय टीमवर व्हाईट वॉशची नामुष्की ओढवेल. ऑस्ट्रेलियाविरुद्धच्या या दोन्ही सामन्यात 5 कारणांमुळे टीम इंडियाला पराभवाचा धक्का बसला आहे.