Trending:

IND vs AUS : भारत-ऑस्ट्रेलियात शुक्रवारी दुसऱ्या T20 चा थरार, मेलबर्नमध्ये टीम इंडियाचं धडकी भरवणारं रेकॉर्ड!

Published by:Shreyas Deshpande

Last Updated:October 30, 2025 9:46 PM IST

भारत आणि ऑस्ट्रेलिया यांच्यातल्या पाच टी-20 मॅचच्या सीरिजची दुसरी मॅच शुक्रवार 31 ऑक्टोबरला मेलबर्न क्रिकेट ग्राऊंडवर होणार आहे.

इम्पॅक्ट शॉटतुमचा गेटवे लेटेस्ट न्यूज

भारत-ऑस्ट्रेलियात शुक्रवारी दुसऱ्या T20 चा थरार, मेलबर्नमध्ये टीम इंडियाचं धडकी भरवणारं रेकॉर्ड!

मेलबर्न : भारत आणि ऑस्ट्रेलिया यांच्यातल्या पाच टी-20 मॅचच्या सीरिजची दुसरी मॅच शुक्रवार 31 ऑक्टोबरला मेलबर्न क्रिकेट ग्राऊंडवर होणार आहे. याआधी कॅनबेराच्या मनुका ओव्हलमध्ये सीरिजची पहिली मॅच पावसामुळे रद्द झाली होती. यानंतर आता मेलबर्नमध्ये शुक्रवारी दोन्ही टीम धमाका करण्यासाठी मैदानात उतरतील. सीरिजच्या पहिल्या सामन्यात आंतरराष्ट्रीय टी-20 क्रमवारीतला नंबर वन बॅटर अभिषेक शर्मा कमाल दाखवू शकला नाही. पण शुभमन गिल आणि सूर्यकुमार यादव यांनी त्यांच्या बॅटिंगने प्रभावीत केलं.

मागच्या महिन्यात आशिया कपमध्ये प्लेअर ऑफ द टुर्नामेंट पुरस्कार जिंकणारा अभिषेक मेलबर्नमध्ये मोठी खेळी करण्यासाठी मैदानात उतरेल. सीरिजच्या पहिल्या सामन्यात भारताने डावखुरा फास्ट बॉलर अर्शदीप सिंगला प्लेइंग इलेव्हनमधून बाहेर ठेवलं होतं. अर्शदीप सिंग टी-20 आंतरराष्ट्रीयमध्ये भारताकडून सर्वाधिक विकेट घेणारा बॉलर आहे, तरीही त्याला खेळण्याची संधी मिळत नाहीये. दुसऱ्या टी-20 सामन्यातही अर्शदीप सिंगला बेंचवरच बसावं लागण्याची शक्यता आहे.

भारत आणि ऑस्ट्रेलिया यांच्यातली दुसरी टी-20 दुपारी 1.45 वाजता सुरू होणार आहे. स्टार स्पोर्ट्स आणि जियो हॉटस्टारवर या मॅचचं थेट प्रक्षेपण पाहता येणार आहे.