IND vs AUS : कुलदीपचं कमबॅक; दोघांना डच्चू, शेवटच्या वनडेची Playing XI, गिल-गंभीर चूक सुधारणार!

सिडनी : ऑस्ट्रेलियाविरुद्धच्या पहिल्या दोन वनडेमध्ये टीम इंडियाचा पराभव झाला आहे, त्यामुळे भारताने ही सीरिज आधीच गमावली आहे. यानंतर आता व्हाईट वॉश टाळण्यासाठी टीम इंडिया शनिवारी मैदानात उतरणार आहे. सिडनीमध्ये सीरिजची तिसरी आणि शेवटची वनडे मॅच खेळवली जाणार आहे. मागच्या दोन सामन्यांमध्ये टीम इंडियाने बॅटिंग मजबूत करण्यासाठी ऑलराऊंडरना संधी दिली, त्यामुळे भारताची बॉलिंग कमजोर झाली, ज्याचा फटका टीम इंडियाला बसला. आता तिसऱ्या वनडेमध्ये कर्णधार गिल आणि प्रशिक्षक गौतम गंभीर ही चूक सुधारण्याचा प्रयत्न करतील.