Virat Kohli : विराट रिटायर होतोय? कोहलीच्या त्या सिग्नलने धाकधुक वाढली; गावसकरांनी सांगितला खरा अर्थ!

ऍडलेड : ऑस्ट्रेलियाविरुद्धच्या दुसऱ्या वनडेमध्ये टीम इंडियाचा पराभव झाला आहे, याचसोबत भारताने वनडे सीरिजही गमावली आहे. लागोपाठ दोन सामन्यात विराट कोहली शून्य रनवर आऊट झाला आहे, वनडे क्रिकेटमध्ये पहिल्यांदाच विराटवर ही नामुष्की ओढवली. तब्बल 7 महिन्यांनंतर विराटने आंतरराष्ट्रीय क्रिकेटमध्ये कमबॅक केलं होतं, त्यामुळे चाहत्यांच्या अपेक्षा वाढल्या होत्या. पण दोन्ही सामन्यात विराटने निराशा केली. ऍडलेडमध्ये विराट कोहलीने ड्रेसिंग रूमच्या दिशेने जाताना प्रेक्षकांच्या दिशेने जाताना हात वर केले, त्यावरून विराट निवृत्त होत असल्याच्या चर्चा सुरू झाल्या. भारताचे माजी क्रिकेटपटू सुनिल गावसकर यांनी विराटच्या या सिग्नलचा अर्थ सांगितला आहे.