Trending:

IND vs PAK सामन्यात मोठा ड्रामा, कॅच घेऊन पाकिस्तानी खेळाडू नाबाद राहिला, अंपायरचा वादग्रस्त निर्णय

Published by:Prashant Gomane

Last Updated:November 17, 2025 12:01 AM IST

पाकिस्तान या धावांचा पाठलाग करताना मोठा ड्रामा झाला आहे.त्याचं झालं असं की पाकिस्तानी खेळाडू आऊट असताना देखील त्याला नॉटआऊट करार देण्यात आलं होतं.

इम्पॅक्ट शॉटतुमचा गेटवे लेटेस्ट न्यूज

nehal wadhera takes catch umpire given not out

India vs Pakistan : एसीसी मेन्स आशिया कप रायझिंग स्टार्स स्पर्धेतील भारत पाकिस्तान सामन्यात मोठा ड्रामा झाला आहे.या सामन्यात भारताने प्रथम फलंदाजी करताना 136 धावा ठोकल्या होत्या. पाकिस्तान या धावांचा पाठलाग करताना मोठा ड्रामा झाला आहे.त्याचं झालं असं की पाकिस्तानी खेळाडू आऊट असताना देखील त्याला नॉटआऊट करार देण्यात आलं होतं. यानंतर कॅप्टन जितेश शर्माने अंपायरसोबत वाद घातला होता.त्यामुळे मैदानात मोठा राडा झाला होता.

पाकिस्तान-ए संघाच्या डावातील १० वा ओव्हर सुयश शर्मा टाकत होता. या ओव्हरच्या पहिल्याच चेंडूवर माज सदाकतने मोठा फटका मारण्याचा प्रयत्न केला. बाउंड्रीकडे वेगाने जात असलेला चेंडू पकडण्यासाठी नेहाल वढेराने धाव घेतली. सीमारेषेच्या जवळ पोहोचल्यावर नेहालने तो चेंडू हवेतच झेलला आणि तो बाउंड्रीबाहेर जाण्यापूर्वी चेंडू आपल्या साथीदार क्षेत्ररक्षक नमन धीरकडे फेकला. नमन धीरने तो झेल पूर्ण करताच भारतीय खेळाडूंनी जल्लोष करण्यास सुरुवात केली, कारण त्यांना वाटले की फलंदाज बाद झाला आहे.

परंतु, पंचांनी पाकिस्तानी फलंदाज माज सदाकतला नॉटआउट घोषित केले. या निर्णयावर भारतीय-ए संघाचा कर्णधार जितेश शर्मा आणि इतर खेळाडू पंचांशी वाद घालताना दिसले, पण पंचांनी आपला निर्णय बदलला नाही. नंतर रिप्लेमध्ये हे स्पष्ट झाले की भारतीय खेळाडू झेल घेत असताना पाकिस्तानी फलंदाजाने एकही धाव पूर्ण केली नव्हती.

ICC चे क्षेत्ररक्षणाचे (Fielding) नवीन नियम ऑक्टोबर २०२६ पासून लागू झाले आहेत, त्यानुसार हवेत असलेल्या क्षेत्ररक्षकाला सीमारेषेबाहेर चेंडूला फक्त एकदाच स्पर्श करण्याची परवानगी आहे आणि झेल 'फेअर' (Fair Catch) घोषित करण्यासाठी त्याला मैदानाच्या आत परत यावे लागते. त्यामुळे अशी शक्यता वर्तवली जात आहे की, नेहाल वढेराने चेंडू फेकताना, तो स्वतः मैदानाबाहेरच राहिला आणि आत आला नाही. मात्र, या निर्णयावर अनेक प्रश्न उपस्थित झाले आहेत, कारण जर हा 'फेअर कॅच' नसेल, तर पंचांनी फलंदाजाला षटकार (Sixer) का दिला नाही, याचे उत्तर अजून आलेले नाही.

पाकिस्तान अ (प्लेइंग इलेव्हन): मोहम्मद नईम, माझ सदाकत, यासिर खान, मोहम्मद फैक, इरफान खान (कर्णधार), साद मसूद, गाझी घोरी (उप कर्णधार), शाहिद अजीज, उबेद शाह, अहमद दानियाल, सुफियान मुकीम

भारत अ (प्लेइंग इलेव्हन): वैभव सूर्यवंशी, प्रियांश आर्य, नेहल वढेरा, नमन धीर, जितेश शर्मा (कर्णधार/विकेटकिपर), रमणदीप सिंग, आशुतोष शर्मा, हर्ष दुबे, यश ठाकूर, गुरजपनीत सिंग, सुयश शर्मा

view comments

Location :

Mumbai,Maharashtra

First Published :

November 17, 2025 12:01 AM IST

IND vs PAK सामन्यात मोठा ड्रामा, कॅच घेऊन पाकिस्तानी खेळाडू नाबाद राहिला, अंपायरचा वादग्रस्त निर्णय