IND vs PAK : 'हॉटेलच्या रुमचे दरवाजे बंद करा अन्...', शनिवारी रात्री सूर्यकुमारने टीम इंडियाच्या खेळाडूंना असा कानमंत्र का दिला?

Suryakumar Yadav Advice Before Ind vs Pak : आज भारत आणि पाकिस्तान यांच्यात आशिया कपमधील सुपर फोरचा महत्त्वपूर्ण सामना होणार आहे. याआधी मॅचमध्ये भारताने पाकिस्तानवर दणदणीत विजय मिळवला होता. अशातच आता सात दिवसानंतर पुन्हा दोन्ही संघ एकमेकांसमोर उभे ठाकले असतील. अशातच रविवारी पाकिस्तानविरुद्ध होणाऱ्या सुपर-4 मॅचआधी भारतीय टीमचा कॅप्टन सूर्यकुमार यादवने एक मजेशीर गोष्ट सांगितली. पाकिस्तानविरुद्धच्या मॅचसाठी तुमचा मंत्र काय आहे, असं विचारल्यावर त्याने 'रूम बंद करा, फोन स्विच ऑफ करा आणि झोपा' असं सांगितलं. त्याच्या या उत्तरामुळे सगळेजण हसले. पण सूर्या असं का म्हणाला? असा प्रश्न सर्वांना पडला आहे.