IND vs SA ODI : चुकीला माफी नाही! गुवाहाटी कसोटीतील तिघांना डच्चू, पुणेकर ऋतुराज गायकवाडची प्लेइंग इलेव्हनमध्ये एन्ट्री
- Published by:Saurabh Talekar
Last Updated:
Ruturaj gaikawad in Playing Xi : रांची वनडेमध्ये ऋषभ पंत, नितीश कुमार रेड्डी आणि ध्रुव जुरैलला संघात स्थान देण्यात आलं नाही.
IND vs SA 1st ODI : भारत आणि दक्षिण आफ्रिका यांच्यातील तीन सामन्यांच्या एकदिवसीय मालिकेतील पहिला सामना आज रांचीच्या जेएससीए स्टेडियमवर खेळला जाईल. कसोटी मालिकेत साऊथ अफ्रिकेने टीम इंडियाचा पराभव केला होता. अशातच आता टीम इंडिया वनडे सिरीजमध्ये याचा बदला घेईल, अशी अपेक्षा आहे. रेग्युलर कॅप्टन शुभमन गिल जायबंदी असल्याने आता केएल राहुल याचा कॅप्टन्सी सोपवण्यात आलीये. अशातच साऊथ अफ्रिकेने टॉस जिंकून बॉलिंगचा निर्णय घेतला आहे. तर ऋतुराज गायकवाडची संघात एन्ट्री झालीये.
पुणेकर ऋतुराज गायकवाडला स्थान
गुवाहाटी कसोटीमध्ये चुका करणाऱ्या तिघांना टीम इंडियामधून बाहेर बसवण्यात आलंय. ऋषभ पंत, नितीश कुमार रेड्डी आणि ध्रुव जुरैलला संघात स्थान देण्यात आलं नाही. तर पुणेकर ऋतुराज गायकवाडला केएल राहुलने संघात स्थान दिलं आहे.
रोहित आणि विराटचं पुनरागमन
आजच्या सामन्यात रोहित शर्मा आणि विराट कोहली पुनरागमन करतील. त्यांच्या आगमनामुळे संघाला बळकटी मिळेल. हे दोन्ही दिग्गज खेळाडू नऊ महिन्यांनंतर भारतात आंतरराष्ट्रीय सामने खेळणार आहेत. त्यांनी शेवटचा सामना फेब्रुवारीमध्ये इंग्लंडविरुद्धच्या घरच्या मैदानावर झालेल्या एकदिवसीय मालिकेत खेळला होता. दोन्ही खेळाडूंनी कसोटी आणि टी-२० क्रिकेटमधून निवृत्ती घेतली आहे.
advertisement
दक्षिण आफ्रिका (प्लेइंग इलेव्हन): रायन रिकेल्टन, क्विंटन डी कॉक (WK), एडन मार्कराम (C), मॅथ्यू ब्रेट्झके, टोनी डी झोर्झी, डेवाल्ड ब्रेविस, मार्को जॅन्सन, कॉर्बिन बॉश, प्रिनेलन सुब्रेन, नांद्रे बर्गर, ओटनील बार्टमन.
भारत (प्लेइंग इलेव्हन): रोहित शर्मा, यशस्वी जयस्वाल, विराट कोहली, ऋतुराज गायकवाड, वॉशिंग्टन सुंदर, केएल राहुल (WK/C), रवींद्र जडेजा, हर्षित राणा, कुलदीप यादव, अर्शदीप सिंग, प्रसिद्ध कृष्णा.
advertisement
हेड टू हेड
दरम्यान, भारत आणि दक्षिण आफ्रिका यांनी 58 एकदिवसीय सामने खेळले आहेत. भारताने 27 जिंकले, तर दक्षिण आफ्रिकेने 30 जिंकले. एक सामना अनिर्णित राहिला. भारत आता 3-0 असा विजय मिळवून दक्षिण आफ्रिकेचे हेड-टू-हेड वर्चस्व संपवू शकतो. क्लीन स्वीप केल्यास दोन्ही संघांच्या एकदिवसीय सामन्यांमधील विजय-पराजयाच्या विक्रमाची बरोबरी होईल.
view commentsLocation :
Mumbai,Maharashtra
First Published :
November 30, 2025 1:14 PM IST
मराठी बातम्या/स्पोर्ट्स/
IND vs SA ODI : चुकीला माफी नाही! गुवाहाटी कसोटीतील तिघांना डच्चू, पुणेकर ऋतुराज गायकवाडची प्लेइंग इलेव्हनमध्ये एन्ट्री


