IND vs SA : साऊथ अफ्रिकेने 2 दिवस वाया घालवले, 3 दिवसात मॅच जिंकायची कशी? रवी शास्त्रींनी सांगितला धाडसी फॉर्म्युला!

Ravi Shastri On Guwahati Test : गुवाहाटीच्या बरसापारा स्टेडियमवर सुरू असलेल्या दुसऱ्या कसोटी सामन्यात भारतीय संघासमोर मोठे आव्हान उभे राहिले आहे. मालिकेतील पहिला सामना गमावल्यामुळे या निर्णायक लढतीत यजमान संघावर दडपण वाढले असून, ही सिरीज वाचवण्यासाठी हा सामना जिंकणं त्यांच्यासाठी अत्यंत गरजेचे बनले आहे. पहिल्या दोन दिवसांच्या खेळावर नजर टाकल्यास येथील खेळपट्टी फलंदाजीसाठी पोषक असल्याचे दिसून आले, ज्याचा पाहुण्या संघाने पुरेपूर फायदा उचलला आहे. आता भारतीय संघाला केवळ चांगला खेळ करून चालणार नाही, तर रणनीतीमध्येही मोठा बदल करावा लागणार आहे.