IND vs SA : दक्षिण आफ्रिका वनडे सीरिजसाठी टीम इंडियाची घोषणा, गिल-अय्यर बाहेर, नवा कॅप्टन जाहीर!

मुंबई : दक्षिण आफ्रिका विरुद्धच्या 3 वनडे मॅचच्या सीरिजसाठी टीम इंडियाची घोषणा करण्यात आली आहे. मानेच्या दुखापतीतून पूर्णपणे बरा न झालेल्या शुभमन गिलला वनडे सीरिजमधून बाहेर ठेवण्यात आलं आहे, त्याच्याऐवजी केएल राहुलकडे टीमचं नेतृत्व देण्यात आलं आहे. केएल राहुल हा कर्णधारासोबतच विकेट कीपिंगचीही जबाबदारी पार पाडेल, याशिवाय ऋषभ पंत टीममध्ये दुसरा विकेट कीपर म्हणून असेल. तर जसप्रीत बुमराहलाही विश्रांती देण्यात आली आहे. श्रेयस अय्यरही दुखापतीत पूर्णपणे बरा झाला नसल्यामुळे त्यालाही संधी मिळालेली नाही. दक्षिण आफ्रिका ए विरुद्ध धमाकेदार कामगिरी करणाऱ्या ऋतुराज गायकवाडचं टीममध्ये कमबॅक झालं आहे.