Cricket: भारताच्या पोरींचा T-20 वर्ल्डकपमध्ये धमाका, फक्त 26 चेंडूत संपवली मॅच

भारताने आयसीसी महिला अंडर-19 टी20 विश्वचषकात शानदार कामगिरी करत पहिल्या सामन्यात वेस्ट इंडीजला पराभूत केले. भारतीय कर्णधार निकी प्रसादने या सामन्यात नाणेफेक जिंकून प्रथम गोलंदाजी करण्याचा निर्णय घेतला होता. कर्णधाराचा हा निर्णय गोलंदाजांनी अचूक ठरवत वेस्ट इंडीजची संपूर्ण फलंदाजी अवघ्या 14 षटकांत संपवली. वेस्ट इंडिज संघातील 11 पैकी 9 फलंदाजांना दुहेरी आकडा गाठता आला नाही. भारतासाठी परुनिका सिसोदियाने अप्रतिम गोलंदाजी करत सर्वाधिक 3 बळी घेतले. याशिवाय आयुषी आणि जोसिथाने प्रत्येकी 2-2 बळी मिळवले.