घटस्फोट घेतलेल्या अभिनेत्रीसोबत भारतीय क्रिकेटरचं लग्न, एका मुलाच्या आईसोबत घेतले 7 फेरे!
- Published by:Shreyas Deshpande
Last Updated:
क्रिकेटपटूंचं अभिनेत्रींसोबतचे प्रेमसंबंध किंवा लग्न काही नवीन नाही. विराट कोहली, केएल राहुल, हरभजन सिंग आणि युवराज सिंग यांच्यासह अनेक भारतीय क्रिकेटपटूंनी अभिनेत्रींसोबत लग्न केलं.
मुंबई : क्रिकेटपटूंचं अभिनेत्रींसोबतचे प्रेमसंबंध किंवा लग्न काही नवीन नाही. विराट कोहली, केएल राहुल, हरभजन सिंग आणि युवराज सिंग यांच्यासह अनेक भारतीय क्रिकेटपटूंनी अभिनेत्रींसोबत लग्न केलं, या यादीमध्ये आता आणखी एक नाव जोडलं गेलं आहे. सीएसकेकडून आयपीएल खेळलेल्या या खेळाडूने घटस्फोट घेतलेल्या अभिनेत्रीसोबत दुसरं लग्न केलं आहे. या क्रिकेटपटूचे वडीलही भारताकडून आंतरराष्ट्रीय क्रिकेट खेळले आणि 1983 सालच्या भारताच्या वर्ल्ड कप विजेत्या टीममध्ये ते होते. भारताचे दिग्गज खेळाडू क्रिस श्रीकांत यांचा मुलगा अनिरुद्ध श्रीकांत याने दुसरं लग्न केलं आहे. अनिरुद्धने तामिळ अभिनेत्री आणि मॉडेल संयुक्ता षण्मुगनाथन सोबत लग्न केलं आहे.
अनिरुद्ध श्रीकांत आणि संयुक्ता यांचा विवाहसोहळा चेन्नईमध्ये पार पडला. मागच्या बऱ्याच काळापासून अनिरुद्ध आणि संयुक्ता यांच्या अफेयरची चर्चा सुरू होती, ज्याला या दोघांच्या लग्नानंतर पूर्णविराम मिळाला आहे. अनिरुद्ध आणि संयुक्ता यांनी जवळचे मित्र आणि कुटुंबीय उपस्थित राहून हिंदू विधींनुसार लग्न केले. या जोडप्याने सोशल मीडियावर फोटो देखील पोस्ट केले, जे व्हायरल होत आहेत. पोस्टमध्ये लग्नाची तारीख, 27.11.25, अंगठी आणि हृदयाचा इमोजी होता. लग्न समारंभाचा एक व्हिडिओ देखील शेअर करण्यात आला होता, ज्यामध्ये कुटुंब, संयुक्ताचा मुलगा आणि जवळचे मित्र होते.
advertisement
advertisement
अनिरुद्ध आणि संयुक्ता या दोघांचं अफेयर सुरू असल्याची चर्चा सुरू होती. पण, या जोडप्याने त्यांच्या लग्नापर्यंत त्यांचे नाते सार्वजनिक केले नव्हते. दिवाळीच्या वेळी त्यांनी एकत्र फोटो शेअर केले होते, त्यानंतर दोघांच्या नात्याची बातमी समोर आली. या फोटोने त्यांच्या नात्याबद्दलच्या अफवांना पूर्णविराम दिला, पण त्यांच्या साखरपुड्याबद्दल आणि लग्नाबद्दल उत्सुकता वाढवली. अधिकृत घोषणा होण्यापूर्वी, संयुक्ताने म्हणाली, 'इंटरनेटवर सर्व काही आहे. ते जे आहे तेच आहे.'
advertisement
संयुक्ताचा पहिला पती कोण?
संयुक्ताचे पूर्वी टेक उद्योजक कार्तिक शंकरशी लग्न झाले होते. 2025 च्या सुरुवातीला या जोडप्याने घटस्फोट घेतला. आधीच्या मुलाखतीत, अभिनेत्रीने तिच्या लग्नाबद्दल सांगितले. पतीचे प्रेमसंबंध उघड झाल्यानंतर आपलं सगळं आयुष्यच खोटं आहे, असं आपल्याला वाटल्याचं संयुक्ता म्हणाली होती. बिग बॉस तामिळ सीझन 4 मध्ये दिसल्यानंतर संयुक्ता प्रकाशझोतात आली.
advertisement
कोण आहे अनिरुद्ध श्रीकांत?
अनिरुद्ध श्रीकांत हा दिग्गज क्रिकेटपटू कृष्णमाचारी श्रीकांत यांचा मुलगा आहे. अनिरुद्ध श्रीकांत याचं पहिलं लग्न मॉडेल आरती व्यंकटेशसोबत झालं होतं, पण हे लग्न दोनच वर्ष टिकलं. 2012 साली दोघांनी लग्न केल्यानंतर 2014 साली त्यांचा घटस्फोट झाला. अनिरुद्ध श्रीकांत हा कधीही भारताकडून आंतरराष्ट्रीय क्रिकेट खेळला नाही. आयपीएलमध्ये तो 2008 ते 2014 दरम्यान 15 मॅच खेळला. चेन्नई सुपर किंग्स आणि सनरायझर्स हैदराबाद या दोन आयपीएल टीमकडून अनिरुद्ध खेळला होता. प्रथम श्रेणी आणि लिस्ट ए क्रिकेटमध्ये मिळून अनिरुद्ध श्रीकांतच्या नावावर 3 हजारांपेक्षा जास्त रन आहेत.
view commentsLocation :
Chennai,Tamil Nadu
First Published :
November 28, 2025 7:49 PM IST
मराठी बातम्या/स्पोर्ट्स/
घटस्फोट घेतलेल्या अभिनेत्रीसोबत भारतीय क्रिकेटरचं लग्न, एका मुलाच्या आईसोबत घेतले 7 फेरे!
