अमाल मलिकला बिग बॉसचा छुपा सपोर्ट, वारंवार कन्फेशन रुममध्ये का बोलवतात? कुनिकाने सांगितली आतली गोष्ट

मुंबई: 'बिग बॉस १९' चा फिनाले आता अवघ्या काही दिवसांवर येऊन ठेपला आहे. १८ सदस्यांसोबत सुरू झालेल्या या खेळात फक्त ८ स्पर्धक शिल्लक राहिले असून गौरव खन्ना फिनाले वीकमध्ये जाणारा पहिला स्पर्धक ठरला आहे. गेल्या आठवड्यात अभिनेत्री कुनिका सदानंद घराबाहेर पडली. यानंतर तिने मीडियाशी संवाद साधताना एका महत्त्वाचा खुलासा केला आहे. संगीतकार अमाल मलिक याला बिग बॉस वारंवार कन्फेशन रूममध्ये बोलावून फेवर करत असल्याचा आणि गेममध्ये मार्गदर्शन करत असल्याचा आरोप अनेकजण करत होते. या आरोपांवर कुनिकाने स्पष्टपणे उत्तर दिले आहे.