Palash Muchhal: व्हायरल चॅट्स, कोरिओग्राफरशी अफेअर? आता पलाशचा हार्दिक पांड्याच्या EX सोबतचा VIDEO VIRAL
- Published by:Pratiksha Pednekar
Last Updated:
Palash Muchhal-Smriti Mandhana: पलाशचा हार्दिक पांड्याची एक्स-पत्नी नताशा स्टॅन्कोविकसोबतचा एक जुना व्हिडिओ व्हायरल होत आहे, ज्याने या वादात आणखीनच भर टाकली आहे.
मुंबई: भारतीय महिला क्रिकेट संघाची स्टार खेळाडू स्मृती मंधाना आणि प्रसिद्ध संगीतकार पलाश मुच्छल यांचे लग्न सध्या सर्वाधिक चर्चेचा विषय ठरले आहे. वडिलांच्या तब्येतीमुळे आणि पलाशलाही ऐनवेळी आलेल्या तापाने त्यांचा विवाह सोहळा २३ नोव्हेंबरला ऐनवेळी पुढे ढकलण्यात आला. हा निर्णय झाल्या झाल्या, स्मृतीने तिच्या सोशल मीडिया अकाउंटवरून लग्नापूर्वीच्या हळदी, मेहंदी आणि संगीत समारंभाचे सर्व फोटो आणि व्हिडिओ अचानक डिलीट केले. यामुळे स्मृती-पलाशच्या नात्यात मोठी समस्या निर्माण झाली असल्याच्या चर्चांना उधाण आले आहे आणि आता तर पलाशवर स्मृतीला चीट केल्याचे गंभीर आरोप होत आहेत.
नताशासोबतचा जुना व्हिडिओ
स्मृतीच्या वडिलांची तब्येत आता सुधारली असली तरी, लग्न कधी होणार याबद्दल अद्याप कोणतीही बातमी समोर आलेली नाही. दरम्यान, पलाशचा हार्दिक पांड्याची एक्स-पत्नी नताशा स्टॅन्कोविकसोबतचा एक जुना व्हिडिओ व्हायरल होत आहे, ज्याने या वादात आणखीनच भर टाकली आहे. या जुन्या व्हिडिओमध्ये पलाश आणि नताशा एका कारमध्ये बसून डान्स करताना दिसत आहेत. नताशा तिचं सुपरहिट गाणे "डीजे वाले बाबू" वर लिप-सिंक करत असून दोघेही कारमध्ये एकत्र मस्ती करताना दिसत आहेत.
advertisement
एक्स-गर्लफ्रेंड आणि फ्लर्टिंग चॅट्स
हा गोंधळ इथेच थांबत नाहीये. पलाशच्या जुन्या प्रेमप्रकरणाचे काही फोटो आणि चॅट स्क्रीनशॉट्स व्हायरल होत आहेत, ज्यामुळे त्याच्यावरील आरोप अधिक बळकट होत आहेत. पलाश आणि त्याची एक्स-गर्लफ्रेंड बिरवा शाह यांचे जुने फोटो सोशल मीडियावर तुफान व्हायरल होत आहेत. एका फोटोत पलाश एका गुडघ्यावर बसून तिला प्रपोज करताना दिसत आहे.
advertisement
यासोबतच पलाश एका महिलेसोबत फ्लर्ट करत असलेल्या एका चॅटचे स्क्रीनशॉटही समोर आले आहेत. यानंतर चाहत्यांनी पलाशला चीटर म्हणायला सुरुवात केली आहे.
स्मृती मंधाना-पलाश मुच्छलने साधलं मौन
लग्नाचे फोटो डिलीट करणे, जुने व्हिडिओ व्हायरल होणे आणि फसवणुकीचे आरोप... या सर्व गदारोळात स्मृती किंवा पलाश या दोघांकडूनही कोणतेही अधिकृत स्पष्टीकरण आलेले नाही. त्यामुळे नेमके काय घडले, याचा अंदाज कोणालाच येत नाहीये. त्यामुळे आता त्यांच्याकडून प्रतिक्रिया येईपर्यंत या प्रकरणाचा सोक्षमोक्ष लागणे कठीण आहे. स्मृती-पलाशचे चाहते मात्र त्यांची जोडी लवकरच निर्विघ्नपणे विवाहबंधनात अडकावी, यासाठी प्रार्थना करत आहेत.
view commentsLocation :
Mumbai,Maharashtra
First Published :
November 28, 2025 6:38 PM IST
मराठी बातम्या/मनोरंजन/
Palash Muchhal: व्हायरल चॅट्स, कोरिओग्राफरशी अफेअर? आता पलाशचा हार्दिक पांड्याच्या EX सोबतचा VIDEO VIRAL


