हिरवा चुडा, नाकात नथ, प्राजक्ता गायकवाडच्या घरी लगीनघाई! थाटात पार पडला घाणा भरण्याचा कार्यक्रम, VIDEO
- Published by:Pratiksha Pednekar
Last Updated:
Prajakta Gaikwad Wedding: अभिनेत्री प्राजक्ता गायकवाडच्या घरी लग्नाची लगबग सुरू झाली असून लग्नाच्या विधींना थाटामाटात सुरुवात झाली आहे.
मुंबई: 'स्वराज्यरक्षक संभाजी' मालिकेतील अभिनयामुळे महाराष्ट्राच्या घराघरांत पोहोचलेली अभिनेत्री प्राजक्ता गायकवाड आता लवकरच विवाहबंधनात अडकणार आहे. २ डिसेंबरला तिच्या आयुष्यातील या खास सोहळ्याची लगबग सध्या तिच्या घरी सुरू आहे. लग्नाला अवघे काही दिवस शिल्लक असताना, प्राजक्ताच्या घरी पाहुण्यांनी गर्दी केली असून, लग्नाच्या विधींना थाटामाटात सुरुवात झाली आहे.
घाणा आणि हिरवा चुडा भरण्याचा कार्यक्रम
प्राजक्ताने नुकताच एक व्हिडिओ शेअर केला आहे, ज्यात तिच्या घरी लग्नाआधीचे दोन महत्त्वाचे विधी घाणा भरण्याचा कार्यक्रम आणि हिरव्या बांगड्यांचा चुडा भरण्याचा सोहळा पार पडल्याचे दिसत आहे. तिच्या घरी सगळे नातेवाईक आणि पाहुणेमंडळी एकत्र जमले आहेत. संपूर्ण घर लग्नाच्या उत्साहाने भरून गेले आहे.
advertisement
व्हिडिओमध्ये कुटुंबातील काही सदस्य प्राजक्ताची नजर काढतानाही दिसत आहेत, ज्यामुळे घरात जिव्हाळ्याचे आणि पारंपरिक वातावरण निर्माण झाले आहे.
advertisement
प्राजक्ताचा 'नथीचा नखरा'
या कार्यक्रमांसाठी प्राजक्ताने केलेला मराठमोळा लूक चाहत्यांचे लक्ष वेधून घेत आहे. प्राजक्ताने या विधींसाठी गडद गुलाबी रंगाची साडी नेसली होती. तिची वेणी आणि त्यावर केलेली सुंदर हेअरस्टाईल उठून दिसत होती. नाकात नथ, हातात हिरव्या बांगड्यांचा चुडा आणि पारंपरिक दागिने यामुळे नववधू म्हणून प्राजक्ता खूपच सुंदर दिसत होती.
advertisement
advertisement
प्राजक्ता २ डिसेंबर रोजी दुपारी १२ वाजून २४ मिनिटांनी शंभुराज खुटवड यांच्यासोबत लग्न करणार आहे. या दोघांची पहिली भेट एका अपघातामुळे झाली होती. प्राजक्ताच्या गाडीला शंभुराज यांच्या मालकीच्या एका ट्रकने धडक दिली होती. गाडीचे नुकसान झाल्याने शंभुराज यांनी प्राजक्ताला स्वतः सेटवर सोडले होते. या पहिल्या भेटीनंतर दोघांमध्ये मैत्री वाढली आणि नंतर काही दिवसांनी शंभुराज यांनी प्राजक्ताला लग्नाची मागणी घातली.
view commentsLocation :
Mumbai,Maharashtra
First Published :
November 28, 2025 9:41 PM IST
मराठी बातम्या/मनोरंजन/
हिरवा चुडा, नाकात नथ, प्राजक्ता गायकवाडच्या घरी लगीनघाई! थाटात पार पडला घाणा भरण्याचा कार्यक्रम, VIDEO


