Healthy Living : पुरुष 70 वर्षांपर्यंत होऊ शकतात बाबा, पण महिलांसाठी मात्र रेड अलर्ट; तज्ज्ञांचा Video विचार करायला लावेल

वैद्यकीय अभ्यासानुसार पुरुष आयुष्यभर शुक्राणू तयार करत असतात; त्यामुळे त्यांना 60, 70, अगदी 80 वयातही पितृत्व शक्य असू शकतं. पण वय वाढलं की शुक्रजंतुंची संख्या, हालचाल (motility) आणि DNA गुणवत्ता कमी होऊ शकते. याचा परिणाम म्हणून गर्भधारणा होण्यासाठी जास्त वेळ लागू शकतो.

महिलांच्या बाबतीत जैविक घड्याळ वेगळ्या प्रकारे काम करतं. कारण महिलांच्या अंड्यांचा साठा (egg reserve) जन्मतःच मर्यादित असतो आणि वयानुसार त्यांची संख्या आणि गुणवत्ता घटत जाते. महिलाना जेव्हा मासिकपाळी सुरु होते तेव्हापासून त्यांच्या गर्भाशयातील अंडी हळूहळू कमी होतात असं एक्सपर्ट्स म्हणतात. त्यामुळे वयाच्या 30-40 शी पर्यंत येईपर्यंत या अंड्यांमधी लक्षणीय कमी होते. महिलांमध्ये जन्मताच ठरावीक अंडी असल्यामुळे आणि वयाप्रमाणे ती कमी होत असल्यामुळे नंतर आई होण्याची शक्यता कमी होत जाते.