शाहरुखने 25 कोटी उधळले, पण ग्रीन फक्त बॅटिंगच करणार? अजिंक्यने हात झटकले अन् ऑस्ट्रेलियाला द्यावं लागलं उत्तर!

अजिंक्य रहाणे याने पोस्ट मॅच प्रेझेन्टेशनमध्ये ऑस्ट्रेलियन क्रिकेट बोर्डावर बोट ठेवलं होतं. कॅमरून ग्रीनने बॉलिंग का केली नाही, हे मला नाही तर ऑस्ट्रेलियन बोर्डाला विचारा, असं अजिंक्य रहाणे म्हणाला होता. त्यावर क्रिकेट ऑस्ट्रेलियाने स्पष्ट केलं आहे की, कॅमरून ग्रीन सध्या पाठीच्या किरकोळ दुखापतीने (Back complaint) त्रस्त आहे. याच कारणामुळे मुंबई इंडियन्स विरुद्धच्या हायव्होल्टेज मॅचमध्ये तो केवळ बॅट्समन म्हणून मैदानात उतरला होता.

कॅमेरून ग्रीनच्या फिटनेसबाबत माहिती देताना क्रिकेट ऑस्ट्रेलियाच्या प्रवक्त्याने सांगितले की, तो सध्या भारतातच आपल्या रिकव्हरीवर काम करत आहे. त्याच्या पाठीवर पडणारा बॉलिंगचा ताण (Bowling loads) हळूहळू वाढवण्याचं नियोजन करण्यात आलं आहे. साधारणपणे पुढच्या 10 ते 12 दिवसांत तो पुन्हा एकदा पूर्ण क्षमतेने बॉलिंग करण्यासाठी सज्ज होईल, अशी आशा व्यक्त क्रिकेट ऑस्ट्रेलियाकडून व्यक्त करण्यात आली आहे.

दरम्यान, 25 कोटीच्या प्लेयरने पहिल्या मॅचमध्ये 25 रन देखील केले नाहीत. कॅमरून ग्रीनने 10 बॉलमध्ये 18 धावा केल्या. कॅमरून ग्रीनचा स्ट्राईक रेट मात्र चांगला होता. 180 च्या स्ट्राईक रेटने कॅमरून ग्रीन वन डाऊनला खेळला. तर रिंकु सिंग आणि अंगरिक सुर्यवंशी याने देखील चांगली फिनिशिंग केली.