IPL ट्रॉफी जिंकून देणारा KKRचा क्रिकेटर बोहल्यावर, लग्नाचे फोटो आले समोर

मुंबई : इंडियन प्रीमियर लीगच्या यंदाच्या हंगामात केकेआरने विजेतेपद पटकावून तिसऱ्यांदा ट्रॉफी जिंकली. अंतिम सामन्यात हैदराबादवर दणदणीत विजय मिळवला. या सामन्यात हैदराबादविरुद्ध अर्धशतकी खेळी करून केकेआरला विजेतेपद मिळवून देण्यात महत्त्वाची भूमिका बजावणारा फलंदाज बोहल्यावर चढला. व्यंकटेश अय्यरने लग्न केलं असून त्याचे फोटो सोशल मीडियावर व्हायरल झाले आहेत. गेल्या वर्षी नोव्हेंबर महिन्यात व्यंकटेश अय्यरने श्रुती रघुनाथन हिच्याशी साखरपुडा केला होता. भारतीय संघाकडून खेळलेल्या या फलंदाजाने केकेआरकडून खेळताना अंतिम सामन्यात महत्त्वपूर्ण खेळी साकारली होती.