Mohammad Shami : 'घरातून अडीच हजार रुपये घेऊन निघालो, शेवटचे हजार उरले, त्यानंतर...', शमीने सांगितला आयुष्यातला संघर्ष

पैसे मिळणार नाहीत हे घरी सांगितलं तेव्हा त्यांचा पहिला प्रश्न मग कसं चालणार? असा होता. आता खेळूनच परत येईन, असं उत्तर घरच्यांना दिलं. कोलकात्यात 3 दिवस घर मिळालं नाही. मी 4 दिवस क्लब हाऊसमध्ये राहिलो. यानंतर क्लबकडून मी 9 सामन्यांमध्ये 45 विकेट घेतल्या, यानंतर मॅनेजरने मला 25 हजार रुपये आणि ट्रेनचं तिकीट दिलं. यावर माझा विश्वास बसला नाही. संपूर्ण प्रवासात मला झोप लागली नाही. घरी गेल्यावर मी 25 हजार रुपये आईला दिले, पण वडिलांनी हे पैसे आईकडून घेऊन परत मला दिले. ही माझी पहिली कमाई असल्याचं मी वडिलांना सांगितलं, पण त्यांनी या पैशांचा स्वत:साठी उपयोग कर, असं सांगितलं. या पैशातून मी बूट आणि क्रिकेटचं साहित्य विकत घेतलं. सुरूवातीला मला खूप संघर्ष करावा लागला, आज जिथे पोहोचलो आहे, त्यामागे अनेक वर्षांची मेहनत आहे, हे सांगताना मोहम्मद शमी भावुक झाला.