तुफान आलया! 140 KMPH च्या वादळी वेगाने दांड्या उडवल्या, मुंबई इंडियन्सने शोधलेला हिरा चमकला

Last Updated:

मुंबई इंडियन्सने मागच्या काही वर्षांमध्ये टीम इंडियाला बरेच स्टार खेळाडू दिले. मुंबईने शोधलेला असाच एक खेळाडू सय्यद मुश्ताक अली टी-20 स्पर्धेत चमकला आहे.

तुफान आलया! 140 KMPH च्या वादळी वेगाने दांड्या उडवल्या, मुंबई इंडियन्सने शोधलेला हिरा चमकला
तुफान आलया! 140 KMPH च्या वादळी वेगाने दांड्या उडवल्या, मुंबई इंडियन्सने शोधलेला हिरा चमकला
मुंबई : जेव्हा नशीब साथ देत नाही, तेव्हा तुम्ही कितीही मेहनत केली तरी पदरी निराशाच येते. 2023 मध्ये झारखंडचा डावखुरा फास्ट बॉलर सुशांत मिश्रासोबतही असेच काहीसे घडले. मुंबई इंडियन्सने जवळजवळ दोन वर्षांपूर्वी या डावखुऱ्या फास्ट बॉलरला 2 कोटी 20 लाख रुपयांना विकत घेतले होते, पण दुखापतींमुळे त्याला आयपीएलमध्ये पदार्पण करता आलं नाही. पण डिसेंबरमध्ये होणाऱ्या मिनी ऑक्शनआधी खेळल्या जाणाऱ्या सय्यद मुश्ताक अली ट्रॉफीमध्ये सुशांत मिश्राने धमाका केला आहे.

दोन सामन्यांमध्ये भेदक बॉलिंग

मुश्ताक अली ट्रॉफीच्या दोन सामन्यांमध्ये, सुशांत मिश्राने त्याच्या फास्ट बॉलिंगने दिल्ली आणि कर्नाटकच्या बॅटरना खूप त्रास दिला. मंगळवारी दिल्लीविरुद्धच्या सामन्यात त्याने 4 ओव्हरमध्ये 28 रन देऊन 3 विकेट घेतल्या. त्यानंतर, शुक्रवारी कर्नाटकविरुद्धच्या 2 विकेटच्या विजयात, सुशांत मिश्राने पुन्हा 3 विकेट घेतल्या. आयपीएल लिलावाआधी केलेल्या या कामगिरीमुळे सुशांतने अनेक टीमचं लक्ष वेधून घेतलं आहे. सुशांत सध्या मुश्ताक अली ट्रॉफीमध्ये 140 किमी/ताशी वेगाने बॉलिंग करत आहे.
advertisement
advertisement

रिलायन्स प्रोग्रामचा भाग

सुशांत मिश्रा 2023 मध्ये रॉबिन मिन्झसह रिलायन्सच्या यूके डेव्हलपमेंट प्रोग्रामचा भाग होता. यावरून या बॉलरच्या क्षमतेची सहज कल्पना येते. त्याच्या सातत्यपूर्ण सुधारणांनंतर, मुंबई इंडियन्सने 2024 मध्ये सुशांतसाठी 2.2 कोटी रुपयांची बोली लावली. दुर्दैवाने, तो दुखापतग्रस्त झाला, पण आता जवळजवळ दीड वर्षानंतर, सुशांत लिलावात परतला आहे, त्याने बलाढ्य टीम्सविरुद्ध सलग दोन सामन्यांमध्ये 3 बळी घेतले आहेत.
advertisement

प्रथम श्रेणी क्रिकेटमधील कामगिरी

सुशांत मिश्राने आतापर्यंत झारखंडसाठी 11 प्रथम श्रेणी सामने खेळले आहेत, या सामन्यांमध्ये त्याने 28 विकेट घेतल्या आहेत, ज्यात इनिंगमध्ये 4 विकेट एकदा आणि 5 विकेट एकदा घेतल्या आहेत. तर 10 लिस्ट ए (50 ओव्हर) आणि 5 टी-20 सामन्यांमध्ये त्याने 15 आणि 10 विकेट मिळवल्या.
view comments
मराठी बातम्या/स्पोर्ट्स/
तुफान आलया! 140 KMPH च्या वादळी वेगाने दांड्या उडवल्या, मुंबई इंडियन्सने शोधलेला हिरा चमकला
Next Article
advertisement
Supreme Court On Local Body Election : आरक्षण ओलांडलेल्या नगर परिषद, नगर पंचायतींचे काय होणार? सुप्रीम कोर्टाने महत्त्वाचे आदेश...
आरक्षण ओलांडलेल्या नगर परिषद, नगर पंचायतींचे काय होणार? सुप्रीम कोर्टाने महत्त्व
  • आरक्षण ओलांडलेल्या नगर परिषद, नगर पंचायतींचे काय होणार? सुप्रीम कोर्टाने महत्त्व

  • आरक्षण ओलांडलेल्या नगर परिषद, नगर पंचायतींचे काय होणार? सुप्रीम कोर्टाने महत्त्व

  • आरक्षण ओलांडलेल्या नगर परिषद, नगर पंचायतींचे काय होणार? सुप्रीम कोर्टाने महत्त्व

View All
advertisement