New Rule In IPL : आयपीएल 2024मध्ये लागू होणार 'हा' नियम; बॉलर्ससाठी ठरणार 'ब्रह्मास्त्रा'सारखा

आयपीएल 2024 पासूनच्या टुर्नामेंटमध्ये एक नवीन बदल करण्यात आला आहे. आता बॉल आणि बॅटमध्ये समान स्पर्धा असेल. ही टुर्नामेंट बॉलर्सना सुसह्य राहावी यासाठी त्यांना प्रतिओव्हर दोन बाउन्सर टाकण्याची परवानगी या सीझनपासून मिळणार आहे. आयपीएलच्या आयोजकांनी या संदर्भात निर्णय घेतला आहे. क्रिकेटमधल्या या बदलाची ट्रायल भारतातल्या डोमेस्टिक टी-20 टुर्नामेंट सय्यद मुश्ताक अली ट्रॉफीच्या नुकत्याच झालेल्या मॅचेसमध्ये घेण्यात आली आहे. हा नियम बॉलर्ससाठी महत्त्वाचं अस्त्र ठरणार आहे. कारण डेथ ओव्हर्समध्ये त्यांच्याकडे आणखी पर्याय उपलब्ध होईल.

सौराष्ट्रचे अनुभवी बॉलर आणि वेगवेगळ्या टीममधून आयपीएल खेळलेले जयदेव उनाडकट यांनी दोन बाउन्सरच्या नियमाचं स्वागत केलं आहे. ईएसपीएन क्रिक इन्फोशी बोलताना ते म्हणाले, की 'मला वाटतं की एका ओव्हरमध्ये दोन बाउन्सर्सचा चांगला उपयोग होऊ शकतो. हा नियम अन्य नियमांप्रमाणे बॉलर्सना बॅट्समनप्रमाणेच अतिरिक्त लाभदायक ठरतो. उदाहरणार्थ, जर मी स्लो बाउन्सर टाकला तर आता यानंतर बाउन्सर टाकला जाणार नाही असा आत्मविश्वास यापूर्वी बॅट्समनला वाटायचा; पण आता भलेही तुम्ही ओव्हरच्या सुरुवातीला एक स्लो बाउन्सर टाकला तरी पुन्हा एकदा बाउन्सर टाकू शकाल.'