Palak Muchhal On Smriti : 'धोनी'मुळे सुपरहिट, सलमानची फेवरेट सिंगर, स्मृती मानधनासोबत कसं आहे नातं?

पलक मुच्छलने पत्रकार शुभंकर मिश्रा यांच्याशी बोलताना स्मृती मानधना सोबतचे तिचे नाते किती घट्ट आहे हे सांगितले. पलक म्हणाली, माझ्या आयुष्यातील काही खास नात्यांपैकी स्मृती मानधना सोबतचे नाते मी जपते. ती एक खूप चांगली व्यक्ती आहे. आम्ही दोघी खूर क्लोज आहे. सिस्टर सारखं नातं आमचं आहे, पण एक व्यक्ती म्हणून, वुमन म्हणून आणि आर्टिस्ट म्हणून मला तिचा खूप अभिमान वाटतो. तिने कमी वेळेत खूप काही मिळवलं आहे, असं म्हणत पलकने स्मृतीचं कौतूक देखील केलं.

स्मृती तिच्या क्रिकेट क्षेत्रात खूपच उत्कृष्ट आहे, कुटुंबवत्सल आहे आणि मूल्यांना जपणारी आहे. ती माझी बेस्ट फ्रेंड आहे, असं पलक म्हणाली. स्मृतीला संगीताची आवड आहे का, असा प्रश्न विचारला असता, पलकने "हो, नेहमीच. तिला संगीत खूप आवडते," असं म्हटलं. तिचे आवडते गाणं 'कौन तुझे' आहे, असंही पलकने सांगितलं.

दरम्यान, स्मृती मानधनाची आयसीसी महिला वर्ल्ड कप 2025 मध्ये जबरदस्त पर्फॉर्मन्स दिली आहे आणि ती सध्या अफलातून फॉर्ममध्ये आहे. तिच्या उत्कृष्ट फलंदाजीमुळे टीम इंडियाने सेमीफायनलमध्ये स्थान निश्चित केले आहे. स्मृतीने न्यूझीलंडविरुद्धच्या महत्त्वाच्या मॅचमध्ये 95 बॉलमध्ये 109 धावांची सेंच्युरी ठोकत टीम इंडियाला मोठा टोटल उभा करून दिला. या वर्ल्ड कपमधील तिचे हे पहिले शतक ठरलं. वर्ल्ड कपच्या शेवटच्या तीन मॅचमध्ये तिने ऑस्ट्रेलियाविरुद्ध 80 धावा, इंग्लंडविरुद्ध 88 धावा आणि न्यूझीलंडविरुद्ध 109 धावा असे सलग तीन मोठे स्कोर केले आहेत.