RCB विकत घेण्यासाठी 6 जणांमध्ये चुरस, दुसरं नाव सर्वात शॉकिंग, अचानक झाली सरप्राईज एन्ट्री!

आरसीबीची मालकी सध्या ब्रिटीश कंपनी डियाजिओ पीएलसीकडे आहे, पण ही कंपनी आता फ्रँचायझीपासून वेगळी होण्यासाठी तयार आहे. जेएसडब्ल्यूचे मालक पार्थ जिंदाल यांनी आरसीबीची टीम विकत घ्यायची इच्छा व्यक्त केली आहे. पार्थ जिंदाल यांचा जेएसडब्ल्यू ग्रुप हा आयपीएलच्याच दिल्ली कॅपिटल्सचाही सहमालक आहे. दिल्ली कॅपिटल्सची मालकी सध्या जिंदाल ग्रुप आणि ग्रँडी मल्लिकार्जुन राव (जीएमआर) ग्रुपकडे आहे. जर जेएसडब्ल्यूने आरसीबीची टीम विकत घेतली तर जीएमआर ग्रुप हा दिल्लीचा एकमेव मालक राहिल का टीम नवीन मालक शोधेल? याबाबतही सस्पेन्स निर्माण झाला आहे.

आरसीबी विकत घेण्यासाठी आतापर्यंत 6 दावेदार पुढे आले आहेत. यामध्ये अदार पूनावाला यांची सीरम इन्स्टिट्यूट, अदानी ग्रुप, जेएसडब्ल्यू, दिल्लीतील व्यावसायिक आणि अमेरिकेतल्या 2 कंपन्या आरसीबी विकत घेण्यासाठी इच्छुक आहेत.

आरसीबी विकत घेणाऱ्यांच्या दावेदारांमध्ये फक्त जिंदाल ग्रुपच नाही तर अदानी ग्रुपचीही एन्ट्री झाली आहे. 2021 मध्ये अदानी ग्रुपने गुजरात टायटन्स खरेदी करण्यात रस दाखवला होता, पण त्यांना यात यश आलं नाही. अदानी ग्रुपकडे डब्ल्यूपीएल (महिला प्रीमियर लीग) च्या गुजरात टायटन्सची मालकी आहे. आता आरसीबीची विक्री करता आली तर अदानी ग्रुपची आयपीएलमध्येही एन्ट्री होईल.

आरसीबी आयपीएलमधील सगळ्यात लोकप्रिय टीमपैकी एक आहे. आरसीबीचे चाहतेही मोठ्या प्रमाणावर आहेत. सोशल मीडियावरही आरसीबीचे फॉलोअर्स सगळ्यांपेक्षा जास्त आहेत. पण विक्री आधी आरसीबीची ब्रॅण्ड व्हॅल्यू किती आहे? हा सगळ्यात महत्त्वाचा प्रश्न आहे. ब्रिटिश कंपनी आरसीबीची ब्रॅण्ड व्हॅल्यू 17,859 कोटी रुपयांच्या आसपास असल्याचं सांगते, पण अदार पूनावाला या किंमतीसोबत सहमत नसल्याचंही सांगण्यात येत आहे.