IND vs PAK : राऊफ-फरहानने आता धोनी-कोहलीला वादात ओढलं, ICC च्या सुनावणीत हाय व्होल्टेज ड्रामा, पाकिस्तानला मोठी शिक्षा होणार!

दुबई : आशिया कपच्या सुपर-4 सामन्यात प्रक्षोभक हावभाव केल्याप्रकरणी बीसीसीआयने पाकिस्तानी खेळाडू हारिस राऊफ आणि साहिबजादा फरहान याची आयसीसीकडे तक्रार केली. बीसीसीआयच्या या तक्रारीवर आयसीसीने सुनावणी घेतली. या सुनावणीमध्ये हारिस राऊफ आणि साहिबजादा फरहान यांनी आपण निर्दोष असल्याचे म्हटले आहे. इंडिया टुडेच्या वृत्तानुसार फरहानने भारतीय खेळाडू विराट कोहली आणि एमएस धोनीचंही नाव घेतलं आहे. याआधीही खेळाडूंनी सेलिब्रेशन करताना बंदुकीच्या गोळीबाराचे हावभाव केल्याचं फरहानने म्हटले आहे. तसंच अशाप्रकारे पख्तून जमातीमध्ये सेलिब्रेशन करण्याचा हा पारंपारिक मार्ग असल्याचा दावाही फरहानने केला आहे.