W,W,W,W,W,W... कॅप्टन रोहितने शोधलेल्या हिऱ्याचा वादळी स्पेल, भारतीय क्रिकेटमध्ये इतिहास घडला!

कोलकात्याच्या जाधवपूर युनिव्हर्सिटी ग्राऊंडवर झालेल्या या सामन्यात अर्शद खानने 4 ओव्हर टाकल्या यात त्याने फक्त 6 रन दिले. अर्शद खानच्या या स्पेलमधली एक ओव्हर मेडन होती. टी-20 क्रिकेटमध्ये खूप कमीवेळा एखादा बॉलर मेडन ओव्हर टाकतो. या कामगिरीसोबतच अर्शद खानने सय्यद मुश्ताक अली ट्रॉफीमध्ये नवीन विक्रम केला.

अर्शद खानने सय्यद मुश्ताक अली ट्रॉफीमध्ये 2 वर्षांपूर्वीचा विक्रमही मोडित काढला आहे. याआधी हैदराबादच्या टी रवी तेजाने 2023 साली छत्तीसगडविरुद्ध 13 रन देऊन 6 विकेट घेतल्या होत्या. रवी तेजाशिवाय गुजरातच्या अर्जन नागवासवालाने 2023 मध्येच रेल्वेविरुद्ध 13 रन देऊन 6 विकेट मिळवल्या होत्या, पण आता अर्शद खानने हा रेकॉर्ड मोडला आहे. अर्शद खान हा आयपीएल 2025 मध्ये गुजरात टायटन्सकडून खेळला, पण रोहित शर्माच्या नेतृत्वात त्याने 2023 साली मुंबई इंडियन्सकडून आयपीएलमध्ये पदार्पण केलं.

अर्शद खानच्या या वादळी स्पेलमुळे मध्य प्रदेशने चंडीगढवर 7 विकेटने विजय मिळवला. पहिले बॅटिंग करणाऱ्या चंडीगढने 20 ओव्हरमध्ये 8 विकेट गमावून 134 रन केले. या आव्हानाचा पाठलाग मध्य प्रदेशने 14 ओव्हरमध्ये 3 विरेट गमावून केला. हर्ष गवळीने 40 बॉलमध्ये 74 रनची खेळी केली, तर हरप्रीत सिंगने 30 बॉलमध्ये 48 रन करून मध्य प्रदेशचा विजय निश्चित केला.