दिव्यांग खेळाडूंची विशेष कामगिरी, पाहा कशी झाली जलतरण स्पर्धा? Video

डोंबिवली, 9 ऑक्टोबर: खेळ प्रत्येकाला एक वेगळी उर्जा देतो आणि जगण्याची जिद्द अधिक प्रबळ करतो. यामध्ये सामान्य मुलांना तर या शब्दाबरोबर मैदानही सहज आपलेसं करता येतं. मात्र दिव्यांग खेळाडू आपल्या शारीरिक व्याधींवर मात करत खेळाकडे वळतात. तेव्हा मैदानच त्यांना खऱ्या अर्थाने जगण्याची हिंमत देते. या दिव्यांगासाठी पॅरा स्पोर्ट्स असोसिएशनच्या वतीने डोंबिवलीतील सावळाराम क्रीडा संकुलात जलतरण स्पर्धा भरवण्यात आल्या. या 15 व्या पॅरा स्विमिंग चॅम्पियनशिप स्पर्धेत 110 दिव्यांग खेळाडूनी सहभाग घेतला. या स्पर्धे दरम्यान दिव्यांग खेळाडूंमधील विषेश कौशल्य दिसून आले.