Arjun Tendulkar : इन स्विंग, आऊट स्विंग अन् यॉर्कर... अर्जुन तेंडुलकरचा भेदक स्पेल, 24 बॉलमध्ये खेळ खल्लास!

अर्जुन तेंडुलकर स्थानिक क्रिकेट गोव्याकडून खेळत आहे. पहिले बॅटिंग करणाऱ्या गोव्याने 20 ओव्हरमध्ये 173 रन केल्या. अर्जुन तेंडुलकर ओपनिंगला बॅटिंगसाठी आला, पण त्याला मोठा स्कोअर करता आला नाही. 13 रनवर अर्जुन माघारी परतला. यानंतर आव्हानाचा पाठलाग करण्यासाठी चंडीगड मैदानात उतरली. अर्जुन तेंडुलकरने त्याच्या पहिल्या स्पेलमध्ये 2 ओव्हर टाकून फक्त 5 रन दिल्या आणि 2 विकेट घेतल्या. संपूर्ण सामन्यात अर्जुन तेंडुलकरने 4 ओव्हर बॉलिंग करून 17 रनमध्ये 3 विकेट मिळवल्या.

दुसरीकडे मोहम्मद शमीने गुजरातविरुद्ध 2 विकेट घेऊन त्याची कामगिरी सुधारली. पहिले बॅटिंग करणाऱ्या गुजरातला पूर्ण 20 ओव्हर खेळता आलं नाही, 127 रनवरच त्यांचा ऑलआऊट झाला. शमीने 3.3 ओव्हरमध्ये 31 रन देऊन 2 विकेट घेतल्या. याआधी शमीने रणजी ट्रॉफीच्या पहिल्या टप्प्यातही चांगली कामगिरी केली होती, आता सय्यद मुश्ताक अली ट्रॉफीमध्येही त्याने फॉर्म कायम ठेवला आहे.

दरम्यान, झारखंडसाठी इशान किशन आणि आसामसाठी रियान पराग मोठी धावसंख्या उभारण्यात अपयशी ठरले, पण त्यांच्या टीमने मॅच जिंकली. झारखंडने कर्नाटकचा दोन विकेट्सने पराभव केला, तर आसामने छत्तीसगडवर 48 रननी विजय मिळवला. इशान किशन आणि रियान पराग यांना प्रत्येकी 15-15 रन करता आल्या.