T20 वर्ल्ड कपच्या सेमी फायनलचे अंपायर ठरले, टीम इंडियासाठी 'अनलकी' मैदानात उतरणार का नाही?

मुंबई : टी-20 वर्ल्ड कपच्या सेमी फायनलचे सामने 4 आणि 5 मार्चला खेळवण्यात येणार आहेत. या नॉक आऊट सामन्यांसाठी भारताच्या नितीन मेनन यांचा सामना अधिकाऱ्यांच्या एलिट पॅनेलमध्ये समावेश करण्यात आला आहे. पहिली सेमी फायनल दक्षिण आफ्रिका आणि न्यूझीलंड यांच्यात 4 मार्चला कोलकात्याच्या इडन गार्डन मैदानात होणार आहे. त्यानंतर 5 मार्चला भारत आणि इंग्लंड यांच्यात दुसरी सेमी फायनल होईल. मुंबईच्या वानखेडे स्टेडियमवर हा सामना पार पडेल. दोन सेमी फायनलमध्ये विजय मिळवणाऱ्या टीम 8 मार्चला टी-20 वर्ल्ड कपची फायनल खेळतील. अहमदाबादच्या नरेंद्र मोदी स्टेडियमवर टी-20 वर्ल्ड कपची फायनल होणार आहे.