T20 वर्ल्ड कपआधी टीम इंडियाचा फिनिशर अडचणीत, हनुमानाचा AI Video भोवला, पोलीस तक्रार दाखल!
- Published by:Shreyas Deshpande
Last Updated:
टी-20 वर्ल्ड कप तोंडावर असतानाच टीम इंडियाचा क्रिकेटपटू अडचणीत सापडला आहे. हनुमानाचा एआय व्हिडिओ बनवल्यामुळे या क्रिकेटपटूविरोधात तक्रार दाखल करण्यात आली आहे.
मुंबई : टी-20 वर्ल्ड कप तोंडावर असतानाच टीम इंडियाचा क्रिकेटपटू अडचणीत सापडला आहे. हनुमानाचा एआय व्हिडिओ बनवल्यामुळे या क्रिकेटपटूविरोधात तक्रार दाखल करण्यात आली आहे. हा सनातन धर्माचा अपमान असल्याचा आरोप करत करणी सेनेने अलिगडमध्ये तक्रार दाखल केली आहे. टीम इंडियाचा क्रिकेटपटू रिंकू सिंगने त्याच्या प्रोफाइलवर एक एआय व्हिडिओ शेअर केला, ज्यात हनुमान कार चालवत आहे तर गणपती, शंकर आणि विष्णू या कारमध्ये बसले आहेत, असं दाखवण्यात आलं आहे.
एआय व्हिडिओ सोशल मीडियावर ट्रेंडिंग
रिंकू सिंगने शेअर केलेल्या व्हिडिओमध्ये तो मैदानावर सतत सिक्स मारताना दिसत आहे, त्यानंतर कॅप्शनमध्ये विचारले आहे की, "तुम्हाला यश कोणी दिले?" प्रत्युत्तरात, भगवान हनुमान, भगवान शिव, भगवान गणेश आणि भगवान विष्णू काळे चष्मे घातलेले व्हिडिओमध्ये दिसतात.
करणी सेनेची तक्रार
करणी सेनेचे जिल्हाध्यक्ष सुमित तोमर यांनी याप्रकरणी पोलीस ठाण्यात तक्रार दाखल केली आहे की, रिंकू सिंगने शेअर केलेल्या हिंदू देवतांचा व्हिडिओ लोकांच्या भावना दुखावतो, त्यामुळे त्याच्यावर कारवाई करण्यात यावी. दरम्यान या प्रकरणाचा तपास सुरू असल्याची प्रतिक्रिया स्टेशन हाऊस ऑफिसर मनोज कुमार यांनी दिली आहे.
advertisement
7 फेब्रुवारीपासून भारतामध्ये टी-20 वर्ल्ड कपला सुरूवात होणार आहे. वर्ल्ड कपच्या या टीममध्ये रिंकू सिंगचं टीम इंडियामध्ये कमबॅक झालं आहे. आयपीएलमध्ये केकेआरसाठी फिनिशरची भूमिका निभावल्यानंतर रिंकूची टीम इंडियामध्ये एन्ट्री झाली. यंदाच्या विजय हजारे ट्रॉफी आणि रणजी ट्रॉफीमध्येही रिंकू सिंगने उत्तर प्रदेशसाठी धमाकेदार कामगिरी केली आहे.
Location :
Mumbai,Maharashtra
First Published :
Jan 19, 2026 6:38 PM IST
मराठी बातम्या/स्पोर्ट्स/
T20 वर्ल्ड कपआधी टीम इंडियाचा फिनिशर अडचणीत, हनुमानाचा AI Video भोवला, पोलीस तक्रार दाखल!
