स्पिनला कसं खेळायचं, दाखवून दिलं! गंभीरने बाहेर केलेल्या स्टारची 176 रनची खेळी, आता तरी चान्स मिळणार?

मुंबई : एकीकडे टीम इंडिया दक्षिण आफ्रिकेच्या स्पिन बॉलिंगसमोर संघर्ष करत आहे, तेव्हाच भारतीय स्टार खेळाडूने स्पिन बॉलिंग कशी खेळायची? हे 176 रनची वादळी खेळी करून दाखवून दिलं आहे. टी-20 क्रिकेटमधून नाव कमावलेल्या रिंकू सिंगने रणजी ट्रॉफीमध्ये धमाकेदार खेळी करून उत्तर प्रदेशला अडचणीतून बाहेर काढलं आणि महत्त्वाचे 3 पॉईंट्स मिळवून दिले. तामिळनाडूविरुद्ध रिंकू सिंगने ही शानदार खेळी केली आहे, जी त्याच्या प्रथम श्रेणी क्रिकेटमधली सर्वोत्तम आहे. रिंकू सिंगने 247 बॉलमध्ये 71 च्या स्ट्राईक रेटने 176 रन केले, ज्यात 17 फोर आणि 6 सिक्सचा समावेश होता.