वळसे पाटील, आढळराव आणि भाजपची युती, आघाडीत बिघाडी, मंचरमध्ये काय होणार?

सचिन तोडकर, प्रतिनिधी, पुणे : माजी सहकार मंत्री दिलीप वळसे पाटील आणि पुणे म्हाडाचे अध्यक्ष शिवाजीराव आढळराव पाटील यांच्या तालुक्यातील ही एकमेव नगर पंचायत आहे. माजी मंत्री दिलीप वळसे पाटील आणि भाजपचे निवडणूक प्रभारी तसेच भोसरीचे आमदार महेश लांडगे यांच्यात समन्वय होऊन मंचर नगर पंचायतीमध्ये राष्ट्रवादी आणि भाजपची युती झाली आहे. तर भाजपच्या एका गटाने येथे नगराध्यक्ष पदासह सात जागांवर उमेदवारी अर्ज भरले आहेत. मंचरचे माजी सरपंच दत्ता गांजाळे यांच्या नेतृत्वात शिंदे शिवसेनेने येथे स्वतंत्र पॅनेल दिले आहे. तर महाविकास आघाडीने एकत्रित पॅनल दिले आहे.