Yuvraj Singh : 'दोघांना चपलेने मारेन...', गिल-अभिषेकवर संतापला युवराज, ऑस्ट्रेलियातला Photo पाहून दिली धमकी!

मुंबई : भारत आणि ऑस्ट्रेलिया यांच्यातल्या पाच टी-20 मॅचची सीरिज रोमांचक स्थितीमध्ये आहे. पहिली मॅच पावसामुळे रद्द झाल्यानंतर दुसरा सामना ऑस्ट्रेलियाने तर तिसरा भारताने जिंकला, त्यामुळे सीरिज सध्या 1-1 ने बरोबरीत आहे. सीरिजचा चौथा सामना गुरूवारी आणि पाचवा शनिवारी होणार आहे. या सामन्याआधी टीम इंडियाचे दोन दिग्गज खेळाडू ऑस्ट्रेलियातल्या समुद्र किनाऱ्यावर एन्जॉय करताना दिसत आहेत, पण हा फोटो पाहून भारताचा माजी क्रिकेटपटू युवराज सिंग भडकला आहे. या दोन्ही क्रिकेटपटूंना चपलेने मारण्याची धमकी युवराजने दिली आहे.