SL vs ZIM : फक्त दोघांचाच दोन आकडी स्कोअर, झिम्बाब्वेचा T20 मधला सगळ्यात मोठा विजय, श्रीलंकेची लाज गेली!

मुंबई : झिम्बाब्वेने टी-20 आंतरराष्ट्रीय सामन्यात श्रीलंकेचा पराभव करून मोठा उलटफेर केला आहे. पाकिस्तानमध्ये सुरू असलेल्या टी-20 तिरंगी मालिकेतील दुसऱ्या सामन्यात, झिम्बाब्वेच्या बॉलरनी श्रीलंकेच्या बॅटरना रोखले आणि त्यांना 95 रनवर ऑलआऊट केले, ज्यामुळे झिम्बाब्वेला स्पर्धेतील पहिला विजय मिळाला. या प्रभावी विजयामुळे झिम्बाब्वेचा नेट रन रेट पाकिस्तानपेक्षा वरचढ झाला आहे. तसंच या विजयामुळे झिम्बाब्वे तीन टीमच्या तिरंगी मालिकेत पॉइंट टेबलमध्ये अव्वल स्थानावर पोहोचला आहे. झिम्बाब्वे आणि पाकिस्तानचे प्रत्येकी दोन गुण आहेत, परंतु नेट रन रेटमध्ये झिम्बाब्वे पाकिस्तानपेक्षा पुढे आहे.